కృత్తిక నక్షత్రం 2,3,4 పాదములు (ఈ,ఊ,ఏ)
రోహిణి నక్షత్రం 1,2,3,4 పాదములు,(ఓ,వా,వీ,వూ) ,
మృగశిర నక్షత్రం 1,2 పాదములలో (వే,వో) జన్మించిన వారు వృషభ రాశి జాతకుల

2024 సంవత్సరం వృషభ రాశి వారికి ఏ విధంగా ఉండబోతోంది.

వృషభరాశి వారికి ఈ సంవత్సరం శని పదవ స్థానమైన కుంభరాశిలో, రాహువు 11వ స్థానమైన మీన రాశిలో, కేతు ఐదవ స్థానమైన కన్య రాశిలో ఈ సంవత్సరం అంతా సంచరిస్తారు. మే ఒకటవ తేదీ వరకు గురువు 12వ స్థానమైన మేషరాశిలో, ఆ తర్వాత ఒకటవ స్థానమైన వృషభ రాశిలో సంచరిస్తాడు.

2024 సంవత్సరంలో వృషభరాశి ఉద్యోగస్థులకు ఏ విధంగా ఉండబోతోంది.

వృషభ రాశిలో జన్మించిన ఉద్యోగస్థులకు ఈ సంవత్సరం ఎక్కువ భాగం అనుకూలంగా ఉంటుంది. పదవ ఇంటిలో శని గోచారం మరియు 11 ఇంటిలో రాహువు గోచారం కారణంగా వృత్తిలో అభివృద్ధిని సాధిస్తారు. మీరు చేసే పనికి గుర్తింపు, గౌరవం లభిస్తాయి. ప్రథమార్ధంలో ఏప్రిల్ చివరి వరకు గురువు గోచారం అనుకూలంగా ఉండదు కాబట్టి ఈ సమయంలో మిశ్రమ ఫలితాలను పొందుతారు. ముఖ్యంగా శ్రమకు తగిన ఫలితం లభించకపోవడం మరియు అనవసరమైన సమస్యల కారణంగా మానసిక ప్రశాంతతను కోల్పోవడం జరుగుతుంది. వృత్తిలో కొన్నిసార్లు రహస్య శత్రువుల కారణంగా సమస్యలు వచ్చినప్పటికీ మీరు విజయవంతంగా వాటి నుంచి బయటపడగలుగుతారు. కానీ ఆ సమస్యల కారణంగా కొన్నిసార్లు మానసిక ప్రశాంతతను కోల్పోవడం జరుగుతుంది.

ఈ సంవత్సరం అంతా శని గోచారం పదవ ఇంటిలో ఉండటం వలన వృత్తిలో గౌరవ మర్యాదలు పెరుగుతాయి. మీరు చేసే పనులు నిజాయితీతో ఉండటం మరియు లాభాపేక్ష లేకుండా చేయటం వలన మీరు అందరి మన్ననలు పొందుతారు. శని దృష్టి నాలుగవ ఇంటిపై ఉండటం వలన మీరు ఎక్కువ సమయం మీ వృత్తికి కేటాయిస్తారు. దాని కారణంగా ఇంటికి దూరం అవటమే కాకుండా తగినంత విశ్రాంతి కూడా తీసుకోరు. అయితే ఈ విధంగా శ్రమించడం వలన మీ కుటుంబ సభ్యుల కోపానికి గురయ్యే అవకాశం ఉంటుంది. కాబట్టి పనితో పాటు కుటుంబానికి మరియు విశ్రాంతికి సమపాళ్లలో సమయాన్ని కేటాయించడం వలన మీరు ఆరోగ్య సమస్యల నుంచి మరియు కుటుంబంలో ఉండే అసంతృప్తి నుంచి బయటపడగలుగుతారు. శని దృష్టి 12వ ఇంటిపై మరియు ఏడవ ఇంటిపై ఉండటం వలన ఈ సంవత్సరం మీరు విదేశాలకు వెళ్లే అవకాశం ఉంటుంది. ముఖ్యంగా ద్వితీయార్థంలో మీరు మీ వృత్తి కారణంగా విదేశాలకు వెళ్తారు.

ఈ సంవత్సరం అంతా రాహుగోచారం 11వ ఇంటిలో ఉండటం మరియు కేతువు గోచారం ఐదవ ఇంటిలో ఉండటం వలన ఈ సంవత్సరం అంతా ఉత్సాహంగా పని చేయగలుగుతారు. అయితే చాలాసార్లు మీరు చేసిన పని మీకే నచ్చక మరింత మంచిగా చేద్దామనే ఉద్దేశంతో చేసిన పనినే పదేపదే చేయటం వలన ఎదుటివారి దృష్టిలో మీరు చాదస్తం కలిగిన వారుగా కనిపిస్తారు. అంతేకాకుండా మీలో ఉత్సాహం ఎక్కువయ్యి మీరు ఇచ్చే సలహాలు కానీ, మీ ఆలోచనలు కానీ ఎదుటివారు పాటించాలని కొన్నిసార్లు వారిని ఒత్తిడి చేసే అవకాశం ఉంటుంది. దాని కారణంగా ఎదుటివారి దృష్టిలో చులకన అయ్యే అవకాశం ఉంటుంది కాబట్టి మీ ఉత్సాహాన్ని, శక్తిని సరైన విషయాలపై వాడటం వలన మీరు మరిన్ని విజయాలు సాధించగలుగుతారు.

మే ఒకటి నుంచి గురువు గోచారం ఒకటవ ఇంటిపై ఉండటం వలన ఈ సమయంలో మీ వృత్తిలో అడ్డంకులు తొలగిపోయి మీరు మరింత స్వేచ్ఛగా పనులు చేసుకోగలుగుతారు. గురు దృష్టి 9వ ఇంటిపై, ఏడవ ఇంటిపై, మరియు ఐదవ ఇంటిపై ఉండటం వలన మీ పై అధికారుల మరియు సహోద్యోగుల సహకారం మీకు ఉంటుంది. ఈ సమయంలో విదేశీయానం గురించి ప్రయత్నిస్తున్న వారికి అనుకూలమైన ఫలితాలు లభిస్తాయి. ముఖ్యంగా గతంలో విదేశీయానం గురించి ప్రయత్నించి అనుకూల ఫలితాలు పొందని వారికి ఈ సమయంలో విదేశీయానం సంభవిస్తుంది

2024 సంవత్సరంలో వృషభ రాశి వ్యాపారస్తులకు ఏ విధంగా ఉండబోతోంది.

ఈ సంవత్సరం వృషభ రాశిలో జన్మించిన వ్యాపారస్తులకు మిశ్రమ ఫలితాలు ఉంటాయి. ముఖ్యంగా మే వరకు గురువు గోచారం అనుకూలంగా ఉండదు కాబట్టి ఈ సమయంలో వ్యాపారంలో ఒడిదుడుకులు ఉంటాయి. ఆదాయం కంటే ఎక్కువ ఖర్చులు పెరగటం, భాగస్వామితో ఆర్థిక లావాదేవీల విషయంలో సమస్యలు రావడం వలన వ్యాపారంలో అనుకున్నంత స్థాయిలో అభివృద్ధి జరగదు. అయితే రాహు గోచారం బాగుండటం వలన ఒక్కోసారి అనుకోని లాభాలు కూడా వచ్చే అవకాశం ఉంటుంది. అయితే ఈ సమయం పెట్టుబడులకు అలాగే కొత్త వ్యాపార ఒప్పందాలకు అనుకూలంగా ఉండదు. పదవ ఇంటిలో శని సంచారం కారణంగా శని దృష్టి ఏడవ ఇంటిపై ఉంటుంది దాని వలన వ్యాపారం ఒక్కోసారి లాభాల దిశగా మరోసారి నష్టాల దిశగా వెలుతూ ఉంటుంది. ముఖ్యంగా ఈ సంవత్సరం వినియోగదారులతో అనవసరమైన వివాదాలకు పోకుండా ఓపికగా ఉండటం మంచిది. ఎందుకంటే చాలాసార్లు మీ ఓపికను పరీక్షించే వ్యక్తులు మీకు తారసపడతారు. ముఖ్యంగా ఈ సంవత్సరం ప్రథమార్ధంలో ఇటువంటి సందర్భాలు ఎక్కువగా మీకు ఎదురవుతుంటాయి.

సంవత్సరం అంతా రాహు గోచారం అనుకూలంగా ఉండటం వలన సమస్యలు వచ్చినప్పటికీ మీరు ఓపికగా పరిష్కరించడానికి ప్రయత్నం చేస్తారు. 11వ ఇంటిలో రాహువు మీ ఉత్సాహం కానీ, పట్టుదల కానీ తగ్గకుండా మిమ్మల్ని కాపాడుతాడు. అలాగే వ్యాపారంలో మీరు సాహసోపేతంగా తీసుకున్న నిర్ణయాలు మీకు విజయాలను ఇచ్చే అవకాశం ఉంటుంది. అయితే ఈ నిర్ణయాలు మే నుంచి అనుకూల ఫలితాలను ఇస్తాయి.

ఈ సంవత్సరం మే నుంచి గురువు గోచారం ఒకటవ ఇంటిలో ఉంటుంది కాబట్టి ఈ సమయంలో వ్యాపారంలో అభివృద్ధి సాధ్యమవుతుంది. సప్తమ స్థానంపై సప్తమ స్థానంపై గురు దృష్టి వ్యాపార అభివృద్ధి తో పాటుగా కొత్త భాగస్వామ్యాలు వ్యాపార ఒప్పందాలు జరిగేలా చేస్తుంది. వీటి కారణంగా మీకు కొంత ఆర్థిక భారం తగ్గటమే కాకుండా భవిష్యత్తులో వ్యాపార అభివృద్ధి సాధ్యమవుతుంది. అయితే ఒకటవ ఇంటిలో గురువు గోచారం ఒక్కోసారి అనుకోని సమస్యలను కూడా ఇస్తుంది కాబట్టి మీరు ఈ ఒప్పందాలను సరిగా పరిశీలించి అవసరమైతే నిపుణుల సలహా తీసుకొని పూర్తి చేయడం మంచిది. లేకుంటే అనవసరమైన సమస్యలపాలయ్యే అవకాశం ఉంటుంది.

2024 సంవత్సరంలో వృషభ రాశి వారి ఆర్థిక స్థితి ఏ విధంగా ఉండబోతోంది.

ఈ సంవత్సరం ఆర్థికంగా మే ఒకటవ తేదీ వరకు సామాన్యంగా ఉంటుంది ఆ తర్వాత ఆర్థిక స్థితి మెరుగు పడుతుంది. సంవత్సరం ఆరంభం నుంచి గురువు గోచారం 12వ ఇంటిలో ఉండటం వలన ఖర్చులు పెరుగుతాయి. అంతేకాకుండా అనవసరమైన విషయాల మీద ఎక్కువ డబ్బు ఖర్చు చేసే అవకాశం ఉంటుంది. ముఖ్యంగా కుటుంబంలో శుభకార్యాలకు సంబంధించిన ఖర్చులతో పాటు విందు వినోదాలకు, విలాసాలకు కూడా డబ్బు ఎక్కువగా ఖర్చు చేస్తారు. గతంలో తీసుకున్న లోన్లు కానీ, అప్పులు కానీ ఈ సమయంలో తిరిగి తీర్చాల్సిన పరిస్థితి ఏర్పడుతుంది. అయితే సమయానికి మిత్రుల ద్వారా కానీ స్థిరాస్తి అమ్మకాల ద్వారా కానీ డబ్బు చేతికి అందడం వలన అప్పులు తిరిగి తీర్చగలుగుతారు. సంవత్సరం అంతా శని దృష్టి 12వ ఇంటిపై, మరియు నాలుగవ ఇంటిపై ఉండటం వలన ఈ సమయంలో స్థిరాస్తి అమ్మకాలు చేయడం కానీ లేదా వారసత్వంగా వచ్చిన స్థిరాస్తులను తాకట్టు పెట్టడం కానీ చేసే అవకాశం ఉంటుంది. ఈ సమయంలో మీరు డబ్బును వృధా చేసినట్లయితే అది మీకు భవిష్యత్తులో మరిన్ని సమస్యలను ఇచ్చే అవకాశం ఉంటుంది.

ఈ సంవత్సరం అంతా రాహు గోచారం 11 వ ఇంటిలో ఉంటుంది కాబట్టి ఖర్చులు అధికంగా ఉన్నప్పటికీ ఏదో ఒక రూపంలో సమయానికి డబ్బు చేతికి అందటం వలన ఆర్థికంగా ఎక్కువగా ఇబ్బంది పడరు. అయితే ఇప్పుడు అందే డబ్బులన్నీ కూడా తాత్కాలిక అవసరాలను తీర్చేవి కాబట్టి తిరిగి డబ్బు కావలసినప్పుడల్లా వేరొకరి దగ్గర తీసుకోవలసిన అవసరం ఏర్పడుతుంది. మీరు ఖర్చులను నియంత్రించుకున్నట్లయితే ఈ సంవత్సరం మీరు కొంత ఇబ్బంది పడే అవకాశం ఉంటుంది.

మే నుంచి గురువు గోచారం ఒకటవ ఇంటిలో ఉండటం వలన బ్యాంకుల నుంచి కానీ, ఆర్థిక సంస్థల నుంచి కానీ మీకు డబ్బు అందే అవకాశం ఉంటుంది. దానితో గతంలో చేసిన అప్పులు కానీ, లోన్లు కానీ తీర్చగలుగుతారు. అంతేకాకుండా ఈ సమయంలో మీరు స్థిరాస్తి కొనుగోలు కూడా చేసే అవకాశం ఉంటుంది. కొనుగోళ్ల విషయంలో తొందరపాటుకు, గొప్పలకు పోకుండా నిర్ణయం తీసుకునే ముందు అన్ని ఆలోచించి ముందడుగు వేయడం మంచిది. అలా చేసినట్లయితే మీకు డబ్బు విషయంలో ఇబ్బంది ఉండదు.

2024 సంవత్సరంలో వృషభ రాశి వారి కుటుంబ స్థితి ఏ విధంగా ఉండబోతోంది.

వృషభ రాశి వారికి ఈ సంవత్సరం కుటుంబ పరంగా మిశ్రమ ఫలితాలు ఉంటాయి. మే ఒకటి వరకు గురువు గోచారం 12వ ఇంటిలో ఉంటుంది కాబట్టి కుటుంబంలో సమస్యల కారణంగా మానసిక ప్రశాంతతను కోల్పోయే అవకాశం ఉంటుంది. ముఖ్యంగా కుటుంబ సభ్యుల మధ్యన అవగాహన తగ్గడం కానీ లేదా మాట పట్టింపులు పెరగడం వలన కొంత ఇబ్బంది ఏర్పడే అవకాశం ఉంటుంది. అయితే సంవత్సరం అంతా రాహువు గోచారం అనుకూలంగా ఉంటుంది కాబట్టి ఈ సమస్య పెద్దగా ఇబ్బంది పెట్టదు. అలాగే మీరు ఎన్ని సమస్యలు ఉన్నప్పటికీ మానసికంగా ధైర్యంగా ఉండటం, ఉత్సాహంగా ఉండటం వలన మీరు మిగతా వారికి ధైర్యం చెప్పగలుగుతారు, మరియు కుటుంబంలోని సమస్యలను పరిష్కరించడానికి మార్గాలు వెతుకుతారు. గురువు దృష్టి ఎనిమిదవ ఇంటిపై ఉండటం వలన మీ జీవిత భాగస్వామికి వృత్తిలో అభివృద్ధి సాధ్యం అవుతుంది. అంతే కాకుండా ఆర్థిక స్థితి కూడా మెరుగు పడుతుంది. ఐదవ ఇంటిపై కేతువు సంచారం కారణంగా మీ పిల్లల ఆరోగ్య విషయంలో, వారి అభివృద్ధి విషయంలో ఎక్కువగా ఆందోళన చెందుతుంటారు.

మే ఒకటి నుంచి గురువు గోచారం ఒకటవ ఇంటికి మారడంతో మీ కుటుంబంలో పరిస్థితులు అనుకూలంగా మారుతాయి. గతంలో ఉన్న సమస్యలు తొలగిపోవడం మరియు పిల్లల ఆరోగ్య మెరుగుపడటం వలన మీ మానసిక ఆందోళనలు తగ్గుతాయి. గురువు దృష్టి ఏడవ ఇంటిపై ఉండటం వలన మీ జీవిత భాగస్వామికి కూడా ఈ సమయం అనుకూలంగా ఉంటుంది. కుటుంబంలో పెద్దవారి ఆరోగ్యం మెరుగుపడటం మరియు వారి సహాయ సహకారాలు మీకు అందటం వలన గతంలో ఉన్న ఆర్థిక సమస్యలు కూడా తగ్గుముఖం పడతాయి. ఈ సమయంలో కుటుంబ సభ్యులతో కలిసి పుణ్యక్షేత్ర సందర్శనం చేయడం కానీ, ఆధ్యాత్మిక గురువులను సందర్శించడం కానీ చేస్తారు. దాని కారణంగా మానసిక ప్రశాంతతను పొందుతారు.

ఈ సంవత్సరం మే ఒకటి నుంచి గురువు గోచారం ఒకటవ ఇంటిలో ఉండటం వలన సంతానం గురించి ఎదురుచూస్తున్న వారికి అలాగే వివాహం గురించి ఎదురుచూస్తున్న వారికి అనుకూల ఫలితం లభిస్తుంది.

ఈ సంవత్సరం అంతా శని దృష్టి నాలుగవ ఇంటిపై మరియు 12వ ఇంటిపై ఉండటం వలన మీరు మే ఒకటి లోపు విదేశీయానం చేయడం కానీ, ఉద్యోగ కారణంగా కుటుంబ సభ్యులకు దూరంగా ఉండాల్సి రావడం కానీ జరుగుతుంది. అయితే ఇది మీకు ఇష్టం లేకున్నా తప్పనిసరిగా వెళ్లాల్సి రావడం వలన మానసికంగా కొంత ఒత్తిడికి లోన అయ్యే అవకాశం ఉంటుంది. మే ఒకటి నుంచి గురువు గోచారం కొంత అనుకూలంగా మారుతుంది కాబట్టి తిరిగి మీ కుటుంబంతో కలిసి జీవించడం కానీ లేదా మానసిక ఒత్తిడి తగ్గడం కానీ జరుగుతుంది.

2024 సంవత్సరంలో వృషభ రాశి వారి ఆరోగ్యం ఏ విధంగా ఉండబోతోంది.

ఈ సంవత్సరం ఆరోగ్య విషయంలో కొన్ని జాగ్రత్తల అవసరం. మే ఒకటి వరకు గురు గోచారం అనుకూలంగా లేకపోవడం వలన కొన్ని ఆరోగ్య సమస్యలు వచ్చే అవకాశం ఉంటుంది. ముఖ్యంగా కాలేయము, వెన్నెముక మరియు ఊపిరితిత్తులకు సంబంధించిన ఆరోగ్య సమస్యలు మిమ్మల్ని ఇబ్బంది పెట్టవచ్చు. గురు గోచారం 12వ ఇంటిలో ఉంటుంది కాబట్టి మీరు ఆరోగ్య సమస్యల కారణంగా ఆసుపత్రికి వెళ్లాల్సిన అవసరం వస్తుంది. అయితే సంవత్సరమంతా రాహు గోచారం అనుకూలంగా ఉంటుంది కాబట్టి ఈ ఆరోగ్య సమస్యలు మిమ్మల్ని ఎక్కువ కాలం ఇబ్బంది పెట్టవు.

మే 1 నుంచి గురువు దృష్టి అయిదవ ఇంటిపై ఉంటుంది కాబట్టి ఆరోగ్య సమస్యలు తగ్గుముఖం పడతాయి. అయితే సంవత్సరం అంతా శని దృష్టి 12వ ఇంటిపై, మరియు నాలుగవ ఇంటి పై ఉంటుంది మీరు మీ జీవన విధానాన్ని, ఆహారపు అలవాట్లను కొంత మార్చుకోవాల్సి ఉంటుంది. ముఖ్యంగా బద్ధకానికి తావివ్వకుండా వీలైనంతవరకు శరీరానికి పని చెప్పండి. అంతేకాకుండా ఆహారం విషయంలో కూడా కొన్ని జాగ్రత్తలు తీసుకోవడం మంచిది. ముఖ్యంగా తీపి పదార్థాలకు దూరంగా ఉండటం, సమయానుసారం ఆహారం తీసుకోవడం వలన చాలా ఆరోగ్య సమస్యల నుంచి బయట పడగలుగుతారు. గురువు గోచారం అనుకూలంగా లేనప్పుడు కాలేయము మరియు మధుమేహ సంబంధ సమస్యలు ఎక్కువగా ఇబ్బంది పెట్టే అవకాశం ఉంటుంది కాబట్టి ఈ సంవత్సరం మీరు ఈ ఆహార నియమాలను పాటించడం మంచిది.

ఈ సంవత్సరం అంతా శని దృష్టి నాలుగవ ఇంటిపై ఉంటుంది కాబట్టి ఊపిరితిత్తులు మరియు ఎముకలకు సంబంధించిన కొన్ని ఆరోగ్య సమస్యలు మిమ్మల్ని ఇబ్బంది పెట్టవచ్చు. సంవత్సరం అంతా రాహు గోచారం 11వ ఇంటిలో అనుకూలంగా ఉంటుంది కాబట్టి ఆరోగ్య సమస్యలు వచ్చినప్పటికీ మీరు మానసికంగా కుంగి పోరు దాని కారణంగా మీ ఆరోగ్య సమస్యలు కూడా తొందరగా తగ్గుముఖం పడతాయి.

2024 సంవత్సరంలో వృషభ రాశి వారి చదువు ఏ విధంగా ఉండబోతోంది.

విద్యార్థులకు ఈ సంవత్సరం అనుకూలంగా ఉంటుంది. మే వరకు గురువు దృష్టి నాలుగవ ఇంట ఉండటం వలన చదువుపై శ్రద్ధ మరియు ఏకాగ్రత పెరుగుతుంది. ఈ సమయంలో 12వ మరియు నాలుగవ ఇంటిపై శని దృష్టి కారణంగా కొన్నిసార్లు బద్ధకం కారణంగా లేదా అతి విశ్వాసం కారణంగా చదువుపై శ్రద్ధ తగ్గే అవకాశం ఉంటుంది. అయితే సంవత్సరం అంతా రాహు గోచారం 11వ ఇంటిపై ఉండటం వలన చదువులో ఆటంకాలు ఏర్పడవు. మే వరకు గురువు గోచారం అనుకూలంగా ఉండదు కాబట్టి ఎక్కువగా శ్రమ చేసి చదవాల్సి ఉంటుంది. లేకున్నచో అనుకున్నంత స్థాయిలో మార్కులు రాకపోవటం జరుగుతుంది.

ఐదవ ఇంటిలో కేతు సంచారం కారణంగా పరీక్షల విషయంలో ఏదో ఒక భయం వీరిని ఈ సంవత్సరం అంతా వెంటాడుతుంది. అలాగే పరీక్ష సమయంలో కొన్నిసార్లు ఆరోగ్యం బాగుండక పోవడం కానీ లేదా చిన్న చిన్న అడ్డంకులు రావడం కానీ జరుగుతుంది. అయితే ఇవన్నీ కూడా కేవలం భయంకరంగా జరిగేవి కాబట్టి వీలైనంతవరకు భయానికి లొంగకుండా ఉండటం మంచిది. అలాగే చదువు విషయంలో మరియు పరీక్షల విషయంలో వాయిదాలు వేయకుండా ఉండటం మంచిది.

మే ఒకటి నుంచి గురువు గోచారం ఒకటవ ఇంటిలో ఉండటం వలన పరీక్షల విషయంలో ఉండే భయం తగ్గుతుంది. అంతేకాకుండా కొత్త విషయాలు నేర్చుకోవాలన్న ఆసక్తి పెరుగుతుంది. గురువు దృష్టి 9వ ఇంటిపై ఉండటం వలన ఈ సమయంలో గురువుల మరియు పెద్దవారి సహాయంతో చదువులో మంచి ప్రగతి సాధిస్తారు. విదేశాల్లో ఉన్నత విద్యాభ్యాసం చేయాలనుకునే విద్యార్థులకు ఈ సంవత్సరం అనుకూలిస్తుంది. ముఖ్యంగా మే నుంచి ఈ విషయంలో వీరు చేపట్టిన పనులు విజయవంతం అవుతాయి. అయితే 12వ ఇంటిపై శని దృష్టి కారణంగా విదేశాలకు వెళ్లడానికి ఒకటి కంటే ఎక్కువసార్లు ప్రయత్నించాల్సిన అవసరం రావచ్చు.

ఉద్యోగం కొరకు పోటీ పరీక్షలు రాస్తున్న వారికి ఈ సంవత్సరం అనుకూలంగా ఉంటుంది. గురువు దృష్టి ఐదవ ఇంటిపై ఉండటం వలన వారు పోటీ పరీక్షల్లో విజయం సాధిస్తారు తద్వారా ఉద్యోగాన్ని పొందుతారు.

2024 సంవత్సరంలో వృషభ రాశి వారు చేయవలసిన పరిహారాలు

వృషభ రాశి వారికి ఈ సంవత్సరం గురువు అనుకూలంగా ఉండడు కాబట్టి ప్రధానంగా గురువుకు పరిహారాలు చేయడం మంచిది. దీనికి గాను ప్రతిరోజు కానీ ప్రతి గురువారం కానీ గురు స్తోత్ర పారాయణం చేయటం, లేదా గురు మంత్ర జపం చేయడం చేయాలి. దీనితో పాటుగా గురుచరిత్ర పారాయణం చేయటం వలన కూడా గురువు ఇచ్చే చెడు ప్రభావం తగ్గి, ఈ సంవత్సరంలో మీకు వచ్చే ఆరోగ్య సమస్యలు మరియు ఆర్థిక సమస్యలు తొలగిపోతాయి. గురువు అనుగ్రహం కొరకు పేద విద్యార్థులకు వారు చదువుకోడానికి తగిన సౌకర్యాలు అంటే వారికి అవసరమైన పుస్తకాలు కానీ, లేదా ఇతర చదువుకు సంబంధించిన సామాగ్రి కానీ ఇవ్వటం లేదా వారికి వీలున్నప్పుడల్లా ఉచితంగా విద్యా బోధన చేయడం వలన కూడా గురువు శుభ ఫలితాలు ఇస్తాడు.

ఈ సంవత్సరం అంతా కేతువు ఐదవ ఇంటిలో ఉండటం వలన సంతానానికి మరియు విద్యార్థులకు కొన్ని సమస్యలు వచ్చే అవకాశం ఉంటుంది కాబట్టి కేతు ప్రభావం తగ్గటానికి ప్రతిరోజు కానీ, ప్రతి మంగళవారం కానీ కేతు మంత్ర జపం చేయటం లేదా కేతు స్తోత్ర పారాయణం చేయడం మంచిది. దీనితోపాటు గణపతి స్తోత్ర పారాయణం కూడా చేయటం వలన కేతువు ఇచ్చే చెడు ప్రభావం తగ్గుతుంది.

వృషభ రాశి వారు ఈ సంవత్సరం అంతా ఆర్థిక వ్యవహారాల్లో జాగ్రత్తగా ఉండటం మంచిది. గురు ప్రభావం అనుకూలంగా ఉండదు కాబట్టి ఈ సమయంలో పెట్టుబడులు పెట్టడం వలన ధన నష్టం కానీ, ఆస్తి నష్టం కానీ లేదా ఇతరుల చేతిలో మోసపోవడం కానీ జరగవచ్చు. కాబట్టి జాగ్రత్తగా ఉండటం మంచిది.

మిథున రాశిఫలములు 2024 సంవత్సర రాశిఫలములు

మృగశిర 3,4 పాదములు (కా,కి),
ఆరుద్ర 1,2,3,4 పాదములు(కు, ఘ, ఙ, ఛ)
పునర్వసు 1,2,3 పాదములు (కే,కో, హా)

2024 సంవత్సరం మిథున రాశి వారికి ఏ విధంగా ఉండబోతోంది.

ఈ సంవత్సరమంతా, శని కుంభ రాశిలో, తొమ్మిదవ ఇంట్లో మరియు రాహువు మీన రాశిలో పదవ ఇంట్లో సంచరిస్తారు. సంవత్సరం ప్రారంభంలో బృహస్పతి మేష రాశిలో పదకొండవ ఇంట్లో సంచరిస్తాడు మరియు మే 01 నుంచి, వృషభ రాశిలో, పన్నెండవ ఇంటిలో సంచరిస్తాడు.

2024 సంవత్సరంలో మిథున రాశి వ్యాపారస్తులకు ఏ విధంగా ఉండబోతోంది.

మిధున రాశిలో జన్మించిన వ్యాపారస్తులకు ఈ సంవత్సరం మిశ్రమ ఫలితాలను ఇస్తుంది. మే ఒకటి వరకు గురు గోచారం 11వ ఇంటిలో ఉంటుంది కాబట్టి వ్యాపారంలో మంచి అభివృద్ధి సాధిస్తారు. గురు దృష్టి ఏడవ ఇంటిపై ఉంటుంది కాబట్టి మీరు కొత్త వ్యాపారం కానీ లేదా కొత్త ప్రదేశంలో వ్యాపారం కానీ ప్రారంభం చేస్తారు. మీరు చేపట్టిన పనుల్లో విజయం సాధిస్తారు. అంతేకాకుండా మీరు నిజాయితీగా చేసే వ్యాపారం మీకు పేరు ప్రఖ్యాతులతో పాటుగా మరింత మంది వినియోగదారులను ఇస్తుంది. మీరు చేసే ఆలోచనలు గాని పెట్టే పెట్టబడులు గాని మంచి ఫలితాలను ఇచ్చి ఆర్థికంగా మీరు అభివృద్ధి అవ్వడానికి దోహదపడతాయి. ఈ సంవత్సరం మీరు కొంత సాహసంతో చేసిన పనులు కూడా సత్ఫలితాలు ఇస్తాయి. ఈ సంవత్సరం ప్రధమార్ధంలో మీరు మీ వ్యాపారాన్ని మరింత అభివృద్ధిలోకి తేవడానికి మీ మిత్రులను లేదా పరిచయస్తులను మీ వ్యాపార భాగస్వాములుగా చేసుకుంటారు. ఇది ప్రారంభంలో మంచి ఫలితాన్ని ఇస్తుంది. అయితే పదవ ఇంటిలో రాహువు గోచారం కారణంగా మీరు ఎవరి మాట వినక మీ వ్యాపార విషయంలో కొన్నిసార్లు తీసుకునే నిర్ణయాలు, చేసే పనులు భవిష్యత్తులో మీకు ఇబ్బందులు తీసుకువచ్చే అవకాశం ఉంటుంది. తొమ్మిదవ ఇంటిలో శని సంచారం కారణంగా మీకు వచ్చే లాభాల్లో ఎక్కువ భాగాన్ని పెట్టుబడులు పెట్టడానికి అలాగే విలాసాలకు ఖర్చు చేసే అవకాశం ఉంటుంది.

మే ఒకటి నుంచి గురువు గోచారం 12వ ఇంటిలో ఉండటం వలన వ్యాపారంలో ఒకలాంటి స్తబ్దత ఏర్పడుతుంది. లాభాలు తగ్గటమే కాకుండా గతంలో తొందరపడి తీసుకునే నిర్ణయాల కారణంగా ఈ సమయంలో వ్యాపారంలో నష్టాలు రావడం కానీ లేదా గతంలో ప్రారంభించిన వ్యాపార శాఖలు మూసివేయాల్సి రావటం కానీ జరగవచ్చు. అంతేకాకుండా ఈ సమయంలో మీరు గతంలో తీసుకున్న వ్యాపార సంబంధ లోన్లు కానీ, ఆర్థిక సహాయం కాని ఈ సమయంలో తిరిగి చెల్లించాల్సి రావచ్చు. దీని కారణంగా మీకు ఆర్థికంగా కొంత ఒత్తిడి ఏర్పడే అవకాశం ఉంటుంది. అయితే 10 వ ఇంట్లో రాహు సంచారం వలన మీరు మీ ఉత్సాహం తగ్గకుండా పనులు చేసుకుంటూ వెళతారు. లాభాలు తగ్గినప్పటికీ వ్యాపారంలో మరీ ఇబ్బందికరమైన పరిస్థితులు ఉండవు. ఈ సమయంలో ఇతరుల మాటలకు లొంగి కొత్త పెట్టుబడులు పెట్టకుండా జాగ్రత్తగా ఉండటం మంచిది. అంతేకాకుండా మీ భాగస్వాములతో కూడా వ్యాపార లావాదేవీలు సరైన విధంగా చేయటం, వారితో సత్సంబంధాలు కలిగి ఉండేలా చూసుకోవడం మంచిది. ముఖ్యంగా మీ దగ్గర పనిచేసే ఉద్యోగుల విషయంలో కొంత జాగ్రత్త అవసరం. వారిని నిర్లక్ష్యం చేయడం వలన కానీ, ఇబ్బంది పెట్టడం వలన కానీ వారు ఆకస్మికంగా మీ దగ్గర ఉద్యోగం మానేసే అవకాశం ఉంటుంది. దాని వలన మీపై పని ఒత్తిడి పెరుగుతుంది. అలాగే కొత్త ఉద్యోగులు రావడానికి ఎక్కువ సమయం పట్టవచ్చు.

ఈ సంవత్సరం ద్వితీయార్థంలో మీరు వ్యాపారంలో లాభాల కంటే ఎక్కువ నిజాయితీగా వ్యాపారం చేయడంపై దృష్టి పెట్టడం మంచిది. ఎందుకంటే కొంతమంది మీ పేరు చెడగొట్టడానికి లేదా వ్యాపారంలో నష్టాలు ఏర్పరచడానికి ప్రయత్నించే అవకాశం ఉంటుంది. వారు ప్రభుత్వానికి కానీ లేదా మీ శత్రువులకు కానీ మీ గురించి ఫిర్యాదు చేయడం లేదా చట్టపరమైన చర్యలు తీసుకునేలా పనులు చేయటం చేయవచ్చు. మీరు ఎటువంటి తప్పుడు పనులు చేయకుండా మీ వ్యాపారాన్ని నిజాయితీగా చేసినట్లయితే ఈ సమస్య నుంచి ఎటువంటి నష్టం లేకుండా బయట పడగలుగుతారు.

2024 సంవత్సరంలో మిథున రాశి ఉద్యోగస్థులకు ఏ విధంగా ఉండబోతోంది.

మిథున రాశిలో జన్మించిన ఉద్యోగస్థులకు ఈ సంవత్సరం మిశ్రమ ఫలితాలను ఇస్తుంది. మే ఒకటి వరకు గురువు గోచారం అనుకూలంగా ఉండటం వలన వృత్తిలో అభివృద్ధి సాధ్యమవుతుంది. ముఖ్యంగా పదవ ఇంటిలో రాహువు, 11వ ఇంటిలో గురువు కారణంగా మీరు ధైర్యంగా చేసే పనులు విజయాన్ని ఇవ్వటమే కాకుండా మీ కార్యాలయంలో గుర్తింపును, పై అధికారుల ప్రశంసలను ఇస్తాయి. మిగతా వారు చేయలేకపోయిన పనులను మీరు చేయగలగటం, అలాగే మీరు చెప్పే సలహాలు, మీ ఆలోచనలు మీరు పని చేస్తున్న సంస్థకు ఉపయోగపడటం వలన ఈ సమయంలో మీకు పదోన్నతి కానీ ఆర్థిక అభివృద్ధి కానీ సాధ్యమవుతుంది. 9 వ ఇంట్లో శని సంచారం కారణంగా విదేశాల్లో ఉద్యోగం చేయడానికి ప్రయత్నం చేస్తున్న వారికి ఈ సంవత్సరం ప్రథమార్ధంలో వారి ప్రయత్నాలు ఫలించి విదేశాలకు వెళ్లే అవకాశం లభిస్తుంది. అలాగే పనిచేస్తున్న చోట కాక వేరే చోటకు బదిలీపై వెళ్లాలనుకునే వారికి కూడా ఈ సమయంలో అనుకూలమైన ఫలితం లభిస్తుంది.

మే ఒకటి నుంచి గురువు గోచారం 12వ ఇంటికి మారడంతో పరిస్థితుల్లో మార్పు వస్తుంది. గతంలో మీరు చేసిన పనుల్లో విజయం సాధించడం వలన మీరు తప్ప ఆ పనులు వేరే ఎవరు చేయలేరనే అహంకార పూరిత ధోరణి అలబడుతుంది. సహోద్యోగులను చిన్న చూపు చూడటం, తక్కువ చేసి మాట్లాడటం వలన మీ కార్యాలయంలో మీకు శత్రువులు అధికమవుతారు. ప్రత్యక్షంగా మీకు చెడు చేయనప్పటికీ, పరోక్షంగా మీ గురించి మీపై అధికారులకు ఫిర్యాదు చేయడం చేస్తారు. అంతేకాకుండా ఈ సమయంలో గతంలో లాగా చేపట్టిన పనుల్లో విజయం సాధించడంలో ఇబ్బందులు ఎదురవుతాయి. కార్యాలయంలో ఎవరు కూడా మీకు సరైన సహకారం అందించకపోవడం వలన మీరు ఒంటరి అయ్యారనే భావన ఏర్పడుతుంది. మీలో ఉన్న పట్టుదల, ధైర్యము తగ్గటం, వాటి స్థానంలో అలాంటి భయం ఏర్పడటం ప్రారంభమవుతుంది. ఈ సమయంలో వీలైనంతవరకు మీకు సంబంధం లేని విషయాల్లో జోక్యం చేసుకోకుండా ఉండటం మంచిది. అలాగే గొప్పలకు పోయి ఇతరుల పనులను మీరు చేయటానికి ముందుకు వెళ్ళకండి. వీలైనంతవరకు మీ పనులను మీరు నిజాయితీగా, వినయంతో పూర్తిచేసే ప్రయత్నం చేయటం వలన ఇతరుల దృష్టిలో మీపై ఉన్న శత్రుభావన తగ్గే అవకాశం ఉంటుంది.

సంవత్సరం అంతా శని గోచారం 9వ ఇంటిలో ఉంటుంది, గురు బలం ఉన్నంతకాలం మీకు వృత్తిలో అభివృద్ధి ఉంటుంది కానీ గురు బలం తగ్గాక శని ఉద్యోగ విషయంలో అనుకోని మార్పులను ఇస్తాడు. మీకు ఇష్టం లేనప్పటికీ కొత్త ప్రదేశంలో నచ్చని వ్యక్తులతో పనిచేయాల్సి వస్తుంది అలాగే ఎక్కువగా ప్రయాణాలు చేయాల్సి వస్తుంది. గతంలో మీకు చేదోడు, వాదోడుగా ఉన్న మీ సహోద్యోగులు వారు ఇచ్చే సహకారం ఈ సమయంలో అందించకుండా మిమ్మల్ని ఇబ్బందికి గురిచేస్తారు. అలాగే రహస్య శత్రువుల కారణంగా కూడా మీరు కొన్ని సమస్యలను ఎదుర్కుంటారు. అయితే గురువు గోచారం అనుకూలంగా లేనప్పటికీ పదవ ఇంటిలో రాహువు మీరు ధైర్యాన్ని కోల్పోకుండా కాపాడుతాడు. ఆరవ ఇంటిపై మరియు ఎనిమిదవ ఇంటిపై గురు దృష్టి ఉండటం వలన మీరు మీ ఉద్యోగంలో ఏర్పడే అవమానాలను కానీ, ఆటంకాలను కానీ తట్టుకొని విజయవంతంగా మీ పనులు పూర్తి చేసుకోగలుగుతారు.

2024 సంవత్సరంలో మిథున రాశి వారి ఆర్థిక స్థితి ఏ విధంగా ఉండబోతోంది.

మిథున రాశిలో జన్మించిన వారికి ఈ సంవత్సరం ఆర్థికంగా మిశ్రమ ఫలితాలను ఇస్తుంది. మే వరకు గురువు గోచారం అనుకూలంగా ఉంటుంది కాబట్టి ఈ సమయంలో ఆదాయం పెరుగుతుంది. అంతేకాకుండా గతంలో పెట్టిన పెట్టుబడుల నుంచి మంచి ఆదాయం లభించడం వలన ఆర్థిక పరిస్థితి మెరుగుపడుతుంది. గురువు దృష్టి అయిదవ ఇంటిపై, మూడవ ఇంటిపై, మరియు ఏడవ ఇంటిపై ఉండటం వలన ఈ సమయంలో వ్యాపారం కారణంగా, మధ్యవర్తిత్వం కారణంగా మరియు షేర్ మార్కెట్ తదితరాల్లో పెట్టుబడుల కారణంగా ధనాదాయం పెరుగుతుంది. ఇల్లు, వాహనం లాంటి స్థిరచరాస్తులు కొనుగోలు చేయాలనుకునేవారు మే 1 లోపు వాటిని కొనుగోలు చేయటం మంచిది. అలాగే వ్యాపారంలో కానీ, ఇతర అంశాలపై కానీ పెట్టుబడి పెట్టాలనుకునే వారు కూడా మే 1 లోపు ఆర్థిక లావాదేవీలు పూర్తి చేసుకోవడం మంచిది.

మే ఒకటి నుంచి గురువు గోచారం 12వ ఇంటిలో ఉంటుంది కాబట్టి ఈ సమయంలో ఆదాయం తగ్గుతుంది. కుటుంబ అవసరాల కొరకు గానీ, కుటుంబంలో శుభకార్యాల విషయం గా కానీ మీరు ఎక్కువ డబ్బును ఖర్చు చేస్తారు. అయితే వీటిలో ఎక్కువ శాతం ఉపయోగపడే వాటిపైనే ఖర్చు చేస్తారు తప్ప పనికిరాని విషయాల మీద ఎక్కువగా డబ్బు ఖర్చు చేయరు. మీరు అనుకున్న దానికంటే ఎక్కువ ఖర్చు అవడం వలన మీరు పరిచయస్తుల నుంచి కానీ, ఆర్థిక సంస్థల నుంచి కానీ డబ్బు అప్పు తీసుకునే అవకాశం ఉంటుంది. ఇటువంటి పరిస్థితి రాకుండా ఉండటానికి మీరు చేసే ఖర్చులను తగ్గించుకోవడం, ముఖ్యంగా శుభకార్యాల విషయంలో ఆడంబరాలకు పోకుండా అవసరమైనంత మేరకే ఖర్చు చేసేలా జాగ్రత్త పడితే భవిష్యత్తులో ఆర్థిక సమస్యలు రాకుండా మిమ్మల్ని మీరు కాపాడుకోగలుగుతారు.

ఈ సంవత్సరం అంతా శనికి గోచారం 9వ ఇంటిలో ఉండటం వలన మీ ఆదాయ వ్యయాల మధ్య సమతుల్యత లేకుండా పోతుంది. ముఖ్యంగా ఈ సంవత్సరం ద్వితీయార్థంలో గురు గోచారం అనుకూలంగా లేకపోవడం, శని దృష్టి లాభ స్థానంపై మరియు ఆరవ ఇంటిపై ఉండటం వలన ఆదాయం తగ్గటం లేదా వచ్చిన ఆదాయంలో ఎక్కువ శాతం గతంలో తీసుకున్న లోన్లు కానీ, అప్పులు గాని తీర్చడానికి ఉపయోగించడం వలన ఈ సమయంలో మీరు డబ్బు పొదుపు చేయలేక పోతారు. కాబట్టి ఈ సంవత్సరంలో మీ ఆర్థిక వ్యవహారాలను జాగ్రత్తగా చూసుకోవడం మంచిది.

2024 సంవత్సరంలో మిథున రాశి వారి కుటుంబ స్థితి ఏ విధంగా ఉండబోతోంది.

మిధున రాశి వారికి ఈ సంవత్సరం కుటుంబ పరంగా ఈ సంవత్సరం మిశ్రమ ఫలితాలను ఇస్తుంది. మే ఒకటి వరకు గురువు గోచారం 11వ ఇంటిలో ఉంటుంది కాబట్టి ఈ సమయంలో మీ కుటుంబంలో ప్రశాంత వాతావరణం నెలకొంటుంది. కుటుంబ సభ్యుల మధ్యన ప్రేమాభిమానాలు పెరుగుతాయి. అంతేకాకుండా గతంలో ఉన్న సమస్యలు సమసి పోతాయి . గురువు దృష్టి ఐదవ ఇంటిపై, ఏడవ ఇంటిపై మరియు మూడవ ఇంటిపై ఉండటం వలన ఈ సంవత్సరం సంతానం కాని వారికి సంతానం అవుతుంది. చాలాకాలంగా వివాహం గురించి ఎదురుచూస్తున్న వారికి ఈ సంవత్సరం వివాహ బలం ఉంటుంది. అలాగే విదేశీయనం కొరకు ప్రయత్నిస్తున్న వారికి కూడా ఈ సంవత్సరం వారి కోరిక తీరుతుంది. గురు దృష్టి మూడవ ఇంటిపై ఉండటం వలన మీ తోబుట్టులతోటి మరియు బంధువులతోటి మీ సంబంధాలు మెరుగుపడతాయి.

ఈ సంవత్సరం అంతా శని గోచారం 9వ ఇంటిలో ఉండటం వలన ఇంటిలో పెద్దవారికి ఈ సంవత్సరం ద్వితీయార్థంలో ఆరోగ్య సమస్యలు వచ్చే అవకాశం ఉంటుంది. మే ఒకటి వరకు గురువు గోచారం అనుకూలంగా ఉంటుంది కాబట్టి ఈ సమయంలో కుటుంబంలో పెద్దగా సమస్యలు లేనప్పటికీ మే 1 తర్వాత నుంచి కొన్ని సమస్యలు వచ్చే అవకాశం ఉంటుంది. ముఖ్యంగా కుటుంబ సభ్యుల మధ్యన అవగాహన లోపించడం, మీ అహంభావం కారణంగా కుటుంబ సభ్యులను చులకనగా చూడటం వలన మనస్పర్ధలు ఏర్పడడం జరుగుతుంది. ఈ సమయంలో వీలైనంతవరకు ప్రశాంతంగా ఉండటం అందర్నీ కలుపుకుపోయే ప్రయత్నం చేయటం మంచిది. అంతేకాకుండా మీ తొందరపాటుతనం కారణంగా మీరు చేసే పనులు మీ కుటుంబ సభ్యులను ఇబ్బంది పెట్టకుండా ఉండేలా చూసుకోండి .

ఈ సంవత్సరం మీ కుటుంబ సభ్యులతో కలిసి ప్రయాణాలు ఎక్కువగా చేస్తారు. వీటిలో ఎక్కువ శాతం ఆధ్యాత్మిక ప్రయాణాలు ఉండే అవకాశం ఉంటుంది. అంతేకాకుండా నాలుగవ ఇంటిలో కేతువు సంచారం కారణంగా మీకు మీ కుటుంబ సభ్యుల గురించి భయాందోళనలు ఎక్కువ అవుతాయి. వారి ఆరోగ్యం విషయంలో, వారి అవసరాల విషయంలో అతిగా కల్పించుకోవడం వలన వారు చిరాకుకు గురయ్యే అవకాశం ఉంటుంది. మీరు వారికి సహాయం చేద్దామన్న చేయనీయటం లేదు అనే బాధ మీలో ఎక్కువవుతుంది. గురువు దృష్టి మే ఒకటి నుంచి నాలుగవ ఇంటిపై , ఆరవ ఇంటిపై మరియు ఎనిమిదవ ఇంటిపై ఉండటం వలన మీరు మీ జీవిత భాగస్వామి గురించి, మీ తల్లి గారి గురించి ఎక్కువగా ఆలోచించడం జరుగుతుంది. అంతేకాకుండా వారికి ఏదో జరగబోతుంది అన్న మానసిక ఆందోళన మీలో ఎక్కువవుతుంది. నిజానికి వారికి ఏ సమస్య లేనప్పటికీ మీరు వారి గురించి అతిగా పట్టించుకోవడం వలన వారు చికాకుకు లోనవుతారు. ఈ సంవత్సరం మీరు ఇతరుల గురించి కానీ, మీ గురించి కానీ అతిగా ఆలోచించక వీలైనంతవరకు మిమ్మల్ని మీరు ఏదో ఒక పనిలో నిమగ్నులు అయ్యేలా చేసుకుంటే ఈ సంవత్సరం మీ కుటుంబ జీవితం, మరియు మీ జీవితం బాగుంటుంది.

2024 సంవత్సరంలో మిథున రాశి వారి ఆరోగ్యం ఏ విధంగా ఉండబోతోంది.

మిథున రాశిలో జన్మించిన వారికి ఈ సంవత్సరం ఆరోగ్య విషయంలో మే వరకు అత్యంత అనుకూలంగా ఉంటుంది. మే ఒకటి నుంచి గురువు గోచారం 12వ ఇంటిలోకి మారుతుంది కాబట్టి ఈ సమయంలో ఆరోగ్య విషయంలో కొన్ని జాగ్రత్తలు అవసరం.

ఈ సంవత్సరం మే ఒకటి వరకు గురుగోచారం 11వ ఇంటిలో ఉండటం వలన మీ ఆరోగ్యం బాగుంటుంది. గతంలో ఉన్న ఆరోగ్య సమస్యలు కూడా తగ్గుముఖం పడతాయి. ముఖ్యంగా గురువు దృష్టి పంచమ స్థానంపై ఉంటుంది కాబట్టి ఆరోగ్య సమస్యలు తొందరగా నయమవుతాయి. ఈ సంవత్సరం అంతా శని గోచారం 9వ ఇంటిలో మిశ్రమ ఫలితాలను ఇచ్చేదిగా ఉంటుంది. మే ఒకటి వరకు గురు గోచారం బాగుంటుంది కాబట్టి శని కూడా ఆరోగ్య విషయంలో ఎటువంటి సమస్యలను ఇవ్వడు. మే ఒకటి నుంచి గురువు గోచారం 12వ ఇంటిలో ఉంటుంది కాబట్టి ఈ సమయంలో మీ ఆరోగ్యం కొంత ఇబ్బందికరంగా మారవచ్చు. కాలేయము, వెన్నెముక మరియు మూత్ర సంబంధ సమస్యలు ఈ సమయంలో మీకు వచ్చే అవకాశం ఉంటుంది. గురువు గోచారం మే ఒకటి నుంచి అనుకూలంగా ఉండదు కాబట్టి మీలో రోగనిరోధక శక్తి తగ్గే అవకాశం ఉంటుంది. దాని కారణంగా ఆరోగ్య సమస్యలు వస్తే ఎక్కువ కాలం బాధపడే అవకాశం కాబట్టి ఆరోగ్య సమస్యలు రాకుండా ముందు జాగ్రత్త చర్యలు తీసుకోవడం మంచిది.

శని దృష్టి మూడవ ఇంటిపై, 11 వ ఇంటిపై ఉండటం వలన చేతులు లేదా చెవులకు సంబంధించిన ఆరోగ్య సమస్యల వల్ల కూడా మీరు ఈ సంవత్సరం ద్వితీయార్థంలో బాధపడే అవకాశం ఉంటుంది. చాలావరకు ఈ సమస్యలు మీ నిర్లక్ష్యం కారణంగా వచ్చే అవకాశం ఉంటుంది కాబట్టి ఆరోగ్య విషయంలో జాగ్రత్తగా ఉండటం మంచిది. ముఖ్యంగా ప్రయాణాల్లో ఆహారం తీసుకునేటప్పుడు మీరు రుచికంటే శుచిగా ఉండే ఆహారానికి ప్రాధాన్యత ఇవ్వండి. మీ జిహ్వచాపల్యం కారణంగా మీరు అనారోగ్యం పాలయ్యే అవకాశం ఉంటుంది. అంతేకాకుండా సరైన విధంగా మీ శరీరానికి పని కల్పించుకుంటే కూడా మీరు ఎముకల సంబంధ సమస్యలు కానీ లేదా ఊబకాయాన్ని సంబంధించిన సమస్యలు కానీ ఈ సంవత్సరంలో ఎదుర్కోవాల్సి వస్తుంది.

నాలుగవ ఇంటిలో కేతు గోచారం కారణంగా మీరు మీ కుటుంబం గురించి ఎక్కువగా ఆందోళన చెంది మానసిక ఆరోగ్యం చెడగొట్టుకునే అవకాశం ఉంటుంది కాబట్టి వీలైనంతవరకు యోగ ప్రాణాయామం లాంటి వాటికి ప్రాధాన్యత ఇచ్చి మానసిక ఆందోళనలను తగ్గించుకోవటం మంచిది.

2024 సంవత్సరంలో మిథున రాశి వారి చదువు ఏ విధంగా ఉండబోతోంది.

మిథున రాశిలో జన్మించిన విద్యార్థులకు ఈ సంవత్సరం మొదటి నాలుగు నెలలు చాలా అనుకూలంగా ఉంటాయి. ఆ తర్వాత సమయంలో సాధారణ ఫలితాలను పొందుతారు. మే ఒకటి వరకు గురువు పదకొండవ ఇంటిలో ఉండటం వలన చదువులో బాగా రాణించడమే కాకుండా పరీక్షల్లో కూడా మంచి మార్కులతో ఉత్తీర్ణులు అవుతారు. ఈ సమయంలో చదువుపై శ్రద్ధ పెరగడమే కాకుండా కొత్త విషయాలు నేర్చుకోవాలని ఆసక్తి ఎక్కువ అవుతుంది. అలాగే పరీక్షల్లో అందరికంటే ఎక్కువ మార్కులు సాధించాలనే తపన ఎక్కువ అవటం వలన దాని కొరకు కష్టపడి చదువుతారు. వారి కష్టానికి తగిన ఫలితాన్ని పొందుతారు.

తొమ్మిదవ ఇంటిలో శని గోచారం విదేశాల్లో ఉన్నత విద్యకు మార్గాలు తెలుస్తుంది. ముఖ్యంగా ప్రథమార్ధంలో గురువు గోచారం అనుకూలంగా ఉంటుంది కాబట్టి ఈ సమయంలో విదేశాల్లో ఉన్నత విద్యాభ్యాసం కోసం చేసే ప్రయత్నాలు ఫలిస్తాయి. పదవ ఇంటిలో రాహు గోచారం కారణంగా వీరి ప్రతిభకు గుర్తింపు లభిస్తుంది. అయితే నాలుగవ ఇంటిలో కేతువు కారణంగా వీరు చదువు పట్ల ఒకలాంటి భయాన్ని కలిగి ఉంటారు. ముఖ్యంగా ప్రాథమిక విద్యలో కొత్త ప్రదేశానికి చదువు నిమిత్తం వెళ్లే వారికి ఈ భయం ఎక్కువగా ఉంటుంది.

మే 1 నుంచి గురువు గోచారం 12 ఇంట్లో ఉండటం వలన వీరికి వీరి ప్రతిభ పట్ల అహంకారం కానీ, మిగతా వారి పట్ల చులకన భావం కానీ ప్రారంభం అవుతుంది. ఈ సమయంలో చదువులో రాణించినప్పటికీ వారి అహంకారం కారణంగా పరీక్షల్లో సరైన మార్కులు రాకపోవడం కానీ, వారి నిర్లక్ష్యం కారణంగా వారు కోరుకున్న విద్యాలయాల్లో ప్రవేశం లభించకపోవడం కానీ జరగవచ్చు. ఈ సమయంలో వీలైనంతవరకు సాధించిన విజయాల కంటే సాధించాల్సిన వాటి మీద దృష్టి పెట్టడం మంచిది. దాని వలన మీ ప్రతిభ మీతో పాటు నలుగురికి ఉపయోగపడుతుంది.

ఉద్యోగం కొరకు పోటీ పరీక్షలు రాస్తున్న వారికి ఈ సంవత్సరం ప్రథమార్థంలో అనుకూల ఫలితం లభిస్తుంది. ద్వితీయార్థంలో వీరు ఎక్కువగా శ్రమిస్తే కానీ సరైన ఫలితం లభించదు. కాబట్టి ఈ సంవత్సరం విద్యార్థులు నిర్లక్ష్యానికి తావివ్వకుండా, వచ్చిన విజయాలకు పొంగిపోకుండా చదువుపై శ్రద్ధ పెట్టాల్సి ఉంటుంది.

2024 సంవత్సరంలో మిథున రాశి వారు ఏ పరిహారాలు చేయాలి

మిథున రాశి వారు ఈ సంవత్సరం గురువుకు మరియు కేతువుకు పరిహారాలు చేయటం మంచిది. మే ఒకటి నుంచి గురు గోచారం 12వ ఇంటిలో ఉంటుంది కాబట్టి ఆరోగ్య సమస్యలు మరియు ఆర్థిక సమస్యలు ఎక్కువ అయ్యే అవకాశం ఉంటుంది. ఈ చెడు ప్రభావం తగ్గడానికి ప్రతిరోజు కానీ, ప్రతి గురువారం కానీ గురు స్తోత్ర పారాయణం చేయటం లేదా గురు మంత్ర జపం చేయటం మంచిది. దీంతోపాటు గురు చరిత్ర పారాయణం చేయటం వలన గురువు ఇచ్చే చెడు ప్రభావం తగ్గుతుంది. గురువు అనుగ్రహం కొరకు పేద విద్యార్థులకు వారు చదువుకోడానికి తగిన సౌకర్యాలు అంటే వారికి అవసరమైన పుస్తకాలు కానీ, లేదా ఇతర చదువుకు సంబంధించిన సామాగ్రి కానీ ఇవ్వటం లేదా వారికి వీలున్నప్పుడల్లా ఉచితంగా విద్యా బోధన చేయడం వలన కూడా గురువు శుభ ఫలితాలు ఇస్తాడు.

ఈ సంవత్సరం అంతా కేతు గోచారం నాలుగవ ఇంటిలో ఉంటుంది కాబట్టి చదువు విషయంలో మరియు కుటుంబ విషయంలో వచ్చే సమస్యలు తొలగిపోవడానికి కేతువుకు పరిహారాలు చేయటం మంచిది. దీనికి గాను ప్రతిరోజు కానీ ప్రతి మంగళవారం కానీ కేతు మంత్ర జపం చేయటం లేదా కేతు స్తోత్ర పారాయణం చేయడం మంచిది. దీనితోపాటు గణపతి స్తోత్ర పారాయణం కూడా చేయటం వలన కేతువు ఇచ్చే చెడు ప్రభావం తగ్గుతుంది.

కర్కాటక రాశిఫలములు 2024 సంవత్సర రాశిఫలములు

పునర్వసు 4వ పాదము (హి)
పుష్యమి 1, 2, 3, పాదములు (హు, హె, హో, డా)
ఆశ్లేష 1, 2, 3, 4 పాదములు (డీ, డు, డే, డో)

2024 సంవత్సరములో కర్కాటక రాశి వారికి ఏ విధంగా ఉండబోతోంది.

ఈ సంవత్సరమంతా, శని కుంభ రాశిలో ఎనిమిదో ఇంట్లో, రాహువు మీన రాశి తొమ్మిదవ ఇంట్లో, మరియు కేతువు కన్యారాశిలో, 3వ ఇంటిలో సంచరిస్తారు. సంవత్సరం ప్రారంభంలో బృహస్పతి మేష రాశిలో పదవ ఇంట్లో సంచరిస్తాడు, మరియు మే 01 న, వృషభ రాశిలో పదకొండవ ఇంటిలో తన సంచారాన్ని కొనసాగిస్తాడు.

2024 సంవత్సరంలోకర్కాటక రాశిలో జన్మించిన వ్యాపారస్తులకు ఏ విధంగా ఉండబోతోంది.

కర్కాటక రాశిలో జన్మించిన వ్యాపారస్తులకు ఈ సంవత్సరం మే వరకు సామాన్యంగా మే నుంచి అత్యంత అనుకూలంగా ఉంటుంది. మే ఒకటి వరకు గురువు గోచారం పదవ ఇంటిలో ఉండటం మరియు శని గోచారం ఎనిమిదవ ఇంటిలో ఉండటం వలన వ్యాపారంలో పెద్దగా పురోగతి ఉండదు. వ్యాపార అభివృద్ధికి చేసే ప్రయత్నాల్లో ఆటంకాలు ఏర్పడడం వలన చాలాసార్లు నిరాశకు లోనవుతారు. అంతేకాకుండా మీరు చేసే ప్రయత్నాలను చులకనగా చూసేవారు, మిమ్మల్ని తక్కువగా చేసి మాట్లాడే వారు ఎక్కువ అవ్వటం వలన మీరు చేసే ప్రయత్నాలు సరైనవో కావో అనే అనుమానానికి గురవుతారు. అయితే మీ రంగంలో అనుభవజ్ఞుల సహకారం లభించడం వలన ప్రయత్నాలు ఆపకుండా కొనసాగిస్తుంటారు. గురుదృష్టి మరియు శని దృష్టి రెండవ ఇంటిపై ఉండటం వలన ఈ సమయంలో వ్యాపార సంబంధ ఆదాయవ్యయాలు సమానంగా ఉంటాయి. దాని కారణంగా వ్యాపార అభివృద్ధిలో ఆటంకాలు ఏర్పడటానికి మీ ఆర్థిక పరిస్థితి కూడా ఒక కారణం అవుతుంది. ఈ సమయంలో నిరాశకులోను కాకుండా మీ ముందు ఉన్న అన్ని అవకాశాలను వినియోగించుకోవడం మంచిది.

మే ఒకటి నుంచి గురువు గోచారం 11వ ఇంటికి మారడంతో పరిస్థితుల్లో గణనీయమైన మార్పులు చోటు చేసుకుంటాయి. గత కొంతకాలంగా మీరు చేస్తున్న ప్రయత్నాలు ఫలించి వ్యాపార అభివృద్ధికి మార్గాలు ఏర్పడతాయి. కొత్త వ్యక్తులతో కానీ, కొత్త సంస్థలతో కానీ వ్యాపార ఒప్పందాలు చేసుకుంటారు. దాని కారణంగా మీ వ్యాపారంలో అభివృద్ధి ప్రారంభం అవుతుంది. గతంలో మిమ్మల్ని చులకన చేసిన వారు కూడా ఇప్పుడు మీ సహాయం కొరకు ఎదురు చూస్తారు. ఈ సమయంలో మీ ఆర్థిక స్థితి కూడా మెరుగుపడుతుంది వ్యాపార ఒప్పందాల కారణంగా, మరియు వ్యాపారం పెరగడం కారణంగా ఆదాయం పెరుగుతుంది. దాని వలన గతంలో తీసుకున్న లోన్లు కానీ అప్పులు కానీ తిరిగి తీర్చగలుగుతారు.

మీ ఆలోచనలు, మీ సృజనాత్మకత కారణంగా ఈ సమయంలో వ్యాపారంలో మరింత ముందడుగు వేస్తారు. మీరు ప్రస్తుతం వ్యాపారం చేస్తున్న ప్రదేశంతో పాటుగా కొత్త ప్రదేశాల్లో వ్యాపారం ఆరంభం చేస్తారు. ఈ సమయంలో తరచుగా ప్రయాణాలు చేయాల్సి వస్తుంది. అలాగే కొత్త ప్రాంతాల్లో వ్యక్తులను గుడ్డిగా నమ్మకండి. కొన్నిసార్లు మీరు అటువంటి వ్యక్తుల కారణంగా మోసపోయే అవకాశం ఉంటుంది.

ఈ సంవత్సరం అంతా శని అష్టమ స్థానంలో సంచరిస్తాడు కాబట్టి మీరు వ్యాపార లావాదేవీల్లో, మరియు వ్యాపార ఒప్పందాల్లో కొన్ని జాగ్రత్తలు తీసుకోవడం మంచిది. తప్పుడు పత్రాలు కానీ, తప్పుడు వ్యక్తుల వల్ల కానీ మీ పేరు చెడిపోవడమే కాకుండా, నష్టాలు కూడా ఏర్పడే అవకాశం ఉంటుంది కాబట్టి ఒప్పందాలు చేసుకునే ముందు అన్ని విషయాలు గమనించి అవసరమైతే అనుభవజ్ఞుల లేదా శ్రేయోభిలాషుల సలహా తీసుకొని ముందుకు వెళ్లడం మంచిది.

2024 సంవత్సరంలోకర్కాటక రాశిలో జన్మించిన ఉద్యోగస్థులకు ఏ విధంగా ఉండబోతోంది.

కర్కాటక రాశిలో జన్మించిన ఉద్యోగస్థులకు ఈ సంవత్సరం చాలా అనుకూలంగా ఉంటుంది. మే ఒకటి వరకు గురువు గోచారం పదవ ఇంటిలో ఉండటం వలన ఈ సమయంలో వృత్తిపరంగా పని ఒత్తిడి ఎక్కువగా ఉన్నప్పటికీ మీరు దానిని ఓపికగా భరిస్తారు. అయితే పదవ ఇంటిపై శని దృష్టి కారణంగా వృత్తిలో అనుకోని మార్పులు రావటం కానీ లేదా మీరు ఎంత కష్టపడినప్పటికీ సరైన గుర్తింపు రాకపోవడం కానీ జరుగుతుంది. ఈ సమయంలో మీ ఓపికను మరియు ఉద్యోగంలో మీ నిబద్ధతను పరీక్షించే సంఘటనలు జరిగే అవకాశం ఉంటుంది. వీలైనంతవరకు మీరు మీ పనిని నిజాయితీగా పూర్తి చేస్తే మీకు వచ్చే సమస్యల నుంచి బయట పడగలుగుతారు. దానివలన మిమ్మల్ని అవమాన పరచాలని లేదా ఇబ్బందులు పెట్టాలని అనుకునేవారు వెనక్కి తగ్గుతారు. ఈ సమయంలో ఆదాయం కూడా సామాన్యంగా ఉంటుంది. 9వ ఇంటిలో రాహు గోచారం కారణంగా మీరు విదేశాలకు వెళ్లాల్సి రావడం కానీ లేదా వేరే ప్రదేశంలో కొంతకాలం పని చేయాల్సి కానీ రావచ్చు. లేదా మీ ఉద్యోగానికి సంబంధం లేని పనులు చేయాల్సి రావచ్చు. వీలైనంతవరకు నిరాశ చెందకుండా మీకు ఇచ్చిన పనిని పూర్తి చేయటం మంచిది. దాని వలన భవిష్యత్తులో మీ ఉద్యోగంలో అభివృద్ధి సాధ్యమవుతుంది. పదవ ఇంటిలో గురువు కొన్నిసార్లు గొప్పలకు పోయి లేదా ఇతరుల మాటలకు లొంగిపోయి మీరు అదనపు బాధ్యతలు నెత్తిన వేసుకునేలా చేస్తాడు. కాబట్టి మీరు ఇలాంటి సందర్భాలు వచ్చినప్పుడు జాగ్రత్తగా ఉండటం మంచిది. ఎందుకంటే ఈ పనుల కారణంగా మీకు ఎలాంటి గుర్తింపు లభించదు పైగా చేయాల్సిన పనిని పూర్తి చేయకుంటే చెడ్డ పేరు వచ్చే అవకాశం ఉంటుంది.

మే ఒకటి నుంచి గురువు గోచారం అనుకూలంగా మారటంతో వృత్తిలో అభివృద్ధి సాధ్యమవుతుంది. గత సంవత్సర కాలంగా మీరు పడుతున్న కష్టానికి ప్రతిఫలం ఈ సమయంలో లభిస్తుంది. మీరు అనుకున్న పదోన్నతి కానీ లేదా మీరు అనుకున్న ప్రదేశానికి మారడం కానీ జరుగుతుంది. గతంలో మీకు చెడు చేయాలనుకున్నవారే ఇప్పుడు మీ సహాయం కోరి వస్తారు. పదవిలో అభివృద్ధి కారణంగా ఆర్థిక స్థితి కూడా మెరుగుపడుతుంది. పని ఒత్తిడి కూడా తగ్గుతుంది. అయితే శని గోచారం సంవత్సరం అంతా అనుకూలంగా ఉండదు కాబట్టి కొన్నిసార్లు గతంలో చేసిన తప్పిదాలు ఈ సమయంలో మిమ్మల్ని ఇబ్బంది పెట్టే అవకాశం ఉంటుంది. అయితే మీ పై అధికారుల సహాయంతో ఇబ్బందుల నుంచి బయటపడగలుగుతారు. గురువు దృష్టి అయిదవ ఇంటిపై ఉండటం వలన మీరు ఇచ్చే సలహాలు కానీ, సూచనలు కానీ మీరు పనిచేస్తున్న సంస్థ అభివృద్ధికి దోహదం చేస్తాయి. ఈ సమయంలో వచ్చే ఉద్యోగ అవకాశాల విషయంలో జాగ్రత్తగా ఉండి తొందరపడకుండా సరైన దానిని ఎంచుకోండి. ముఖ్యంగా ఇతరుల ప్రమేయం లేకుండా మీ సొంత ఆలోచనతో నిర్ణయం తీసుకోవడం మంచిది.

మే నుంచి గురువు గోచారం అనుకూలంగా మారటం వలన ఈ సమయంలో మీరు విదేశాలకు వెళ్లడానికి మంచి అవకాశాలు వస్తాయి. 9వ ఇంటిలో ఉన్న రాహువు కారణంగా కొన్ని అవకాశాలు మిమ్మల్ని ప్రలోభ పెట్టేవి గా ఉంటాయి కాబట్టి వాటిని అంగీకరించే ముందు అన్ని విధాలుగా పరిశీలించి ముందడుగు వేయడం మంచిది. ఈ సంవత్సరం అంతా కేతువు గోచారం మూడవ ఇంటిలో ఉండటం వలన మీరు తీసుకునే కొన్ని నిర్ణయాలు భవిష్యత్తులో మీకు ఉద్యోగ పరంగా మరియు ఆదాయపరంగా అభివృద్ధిని ఇస్తాయి.

సంవత్సరం అంతా శని గోచారం అనుకూలంగా ఉండదు కాబట్టి మీ వృత్తిలో మరియు చేసే పనుల్లో ఆటంకాలు ఎదురవుతూ ఉంటాయి. అయితే ఇలాంటి ఆటంకాలను పట్టించుకోకుండా మీరు పట్టుదలతో ముందుకు వెళ్లాల్సి ఉంటుంది. ఇలాంటి ఆటంకాలు వచ్చినప్పుడు మీరు చేసే పనుల్లో ఏవైనా తప్పుడు దొర్లాయేమో అని మరి ఒకసారి పరిశీలన చేసుకొని ముందుకు వెళ్లడం మంచిది. ఎందుకంటే శని ఇచ్చే ఫలితం ఏదైనా ప్రారంభంలో ఇబ్బందికరంగా అనిపించినప్పటికీ అది మన లోపాలను సవరించి మనలను మరింత రాటుదేలేలా చేస్తుంది. ముఖ్యంగా ఏ పని ప్రారంభిద్దామన్నా ఎవరో ఒకరు దానికి అడ్డు చెప్పడం కానీ మిమ్మల్ని నిరాశ పరచడం కానీ చేస్తారు ఇటువంటి సందర్భాలను మీరు మీ చిరునవ్వుతో జయించండి తప్ప వాటికి లొంగిపోకండి.

2024 సంవత్సరంలోకర్కాటక రాశిలో జన్మించిన వారి ఆర్థికస్థితి ఏ విధంగా ఉండబోతోంది.

ఈ సంవత్సరం కర్కాటక రాశిలో జన్మించిన వారికి ఆర్థికంగా అనుకూలంగా ఉంటుంది. గత కొద్ది కాలంగా ఉన్న ఖర్చులు తగ్గుముఖం పడతాయి. మే వరకు గురు దృష్టి రెండవ ఇంటిపై, నాలుగవ ఇంటిపై, మరియు ఆరవ ఇంటిపై ఉండటం వలన ఆదాయంలో కొంత అభివృద్ధి జరుగుతుంది. అయితే ఈ సమయంలో వచ్చే ఆదాయంలో ఎక్కువ శాతం గతంలో తీసుకున్న లోన్లు గాని అప్పులు గాని తీర్చడానికి ఉపయోగపడుతుంది. ఈ సమయంలో స్థిరచరాస్తులు కొనుగోలు చేయడం అంతగా అనుకూలించే విషయం కాదు. ముఖ్యంగా శని దృష్టి ధనస్థానంపై మరియు ఐదవ ఇంటిపై ఉంటుంది కాబట్టి పెట్టుబడులకు కానీ కొనుగోళ్లకు కానీ అంతగా అనుకూలించదు. ఒకవేళ ఏదైనా కొనాలనుకుంటే మీరు అనుకున్న దానికంటే ఎక్కువ డబ్బులు ఖర్చు చేయాల్సి వస్తుంది. అలాగే ఈ సమయంలో ఎక్కువ రిస్క్ తీసుకొని పెట్టుబడులు పెట్టడం కూడా మంచిది కాదు. మీకు వస్తున్న ఆదాయాన్ని వీలైనంతవరకు పొదుపు చేయడానికి ప్రయత్నించండి. ఈ డబ్బు భవిష్యత్తులో మీరు పెట్టుబడులు పెట్టడానికి ఉపయోగపడుతుంది. శని దృష్టి పంచమ స్థానంపై ఉండటం వలన ఈ సమయంలో చాలావరకు నష్టం కలిగించే వాటిపైనే పెట్టుబడి పెట్టాలని చూస్తారు కాబట్టి తప్పనిసరిగా పెట్టుబడి పెట్టాల్సిన సందర్భాల్లో లేదా స్థిరాస్తులు కొనాల్సిన సందర్భాల్లో అనుభవజ్ఞుల సలహా తీసుకొని ముందుకు వెళ్లడం మంచిది.

మే ఒకటి నుంచి గురువు గోచారం 11 వ ఇంట్లో ఉండటంతో ఆదాయం పెరగడంతో పాటుగా మీరు పెట్టుబడులు పెట్టడానికి స్థిరచరాస్తులు కొనుగోలు చేయడానికి అనుకూల సమయం ప్రారంభమవుతుంది. ఈ సమయంలో మీరు పెట్టుబడులు పెట్టడం వలన భవిష్యత్తులో మంచి లాభాలు వచ్చే అవకాశం ఉంటుంది. అంతేకాకుండా గతంలో పెట్టిన పెట్టుబడులకు ఈ సమయంలో మంచి లాభాలు వస్తాయి. మీ ఆర్థిక సమస్యలు చాలావరకు తొలగిపోతాయి. మీరు గతంలో తీసుకున్న లోన్లు కానీ అప్పులు కానీ తిరిగి చెల్లించగలుగుతారు. గురు అనుగ్రహం వలన మీరు చిరకాలంగా కొనాలనుకుంటున్న ఇల్లు కానీ వాహనం కానీ ఈ సమయంలో కొనగలుగుతారు. ఉద్యోగం ద్వారా మరియు వ్యాపారం ద్వారా మీకు వచ్చే ఆదాయం ఈ సమయంలో పెరుగుతుంది. అయితే సంవత్సరం అంతా శని గోచారం ఎనిమిదవ ఇంటిలో ఉంటుంది కాబట్టి వచ్చిన ఆదాయాన్ని సరైన విధంగా వినియోగించుకోకుంటే భవిష్యత్తులో మళ్లీ ఆర్థిక సమస్యలు తలెత్తే అవకాశం ఉంటుంది.

2024 సంవత్సరంలోకర్కాటక రాశిలో జన్మించిన వారి కుటుంబ స్థితి ఏ విధంగా ఉండబోతోంది.

కర్కాటక రాశిలో జన్మించిన వారికి కుటుంబ పరంగా ఈ సంవత్సరం అనుకూలంగా ఉంటుంది. మే వరకు కొన్ని సమస్యలు ఉన్నప్పటికీ మీ నుంచి అత్యంత అనుకూలంగా ఉంటుంది. మే 1 వరకు గురువు గోచారం పదవ ఇంటిలో ఉండటం మరియు శని దృష్టి కుటుంబ స్థానంపై ఉండటం వలన కుటుంబంలో కొన్ని సమస్యలు తలెత్తే అవకాశం ఉంటుంది. ముఖ్యంగా కుటుంబంలో పెద్దవారితో మనస్పర్ధలు పెరగటం అలాగే వారి నుంచి సరైన సహకారం లభించకపోవడం వలన మీరు చేయాల్సిన పనులు కొన్ని వాయిదా పడతాయి. దాని కారణంగా మీరు కొన్ని ఇబ్బందులకు గురి కావాల్సి వస్తుంది. అయితే గురు దృష్టి కుటుంబ స్థానంపై మరియు గృహస్థానంపై ఉండటం వలన, ఈ మనస్పర్ధలు తొందరగానే సమసిపోయి వారి సహకారం మీకు అందుతుంది. 9వ ఇంటిపై రాహు సంచారం కారణంగా మీ తండ్రి గారి లేదా మీ ఇంటిలో పెద్దవారి ఆరోగ్య విషయంలో జాగ్రత్త అవసరం. మూడో ఇంట్లో కేతు సంచారం మీ తోబుట్టిన వారి నుంచి మీకు సహకారం అందటం మరియు వారితో బాంధవ్యాలు మెరుగుపడటం జరుగుతుంది. అయితే మీరు కొంతకాలం మీ పిల్లలకు కానీ, మీ కుటుంబ సభ్యులకు కానీ దూరంగా ఉండవలసి రావటం కానీ, మీ పిల్లలు మీ అభిప్రాయాలను, ఆలోచనలను గౌరవించకపోవడం వలన వారితో మనస్పర్ధలు ఏర్పడడం గాని జరగవచ్చు.

మే ఒకటి నుంచి గురువు గోచారం అనుకూలంగా మారటంతో కుటుంబంలో ఉన్న సమస్యలన్నీ తీరిపోతాయి. మీ పిల్లలనుంచి గాని, మీ కుటుంబ సభ్యుల నుంచి కానీ సంపూర్ణ సహకారం మీకు అందుతుంది. అంతేకాకుండా మీ పిల్లలు సాధించిన విజయాలు మీకు ఆనందాన్ని ఇస్తాయి. మీ జీవిత భాగస్వామికి ఈ సమయంలో వృత్తిలో కానీ, వారు చేసే వ్యాపారంలో కానీ అభివృద్ధి సాధ్యమవుతుంది. మీ మిత్రులు వల్ల, లేదా మీ బంధువుల వల్ల మీకు ఆర్థిక లాభాలు ఉంటాయి. ఈ సమయంలో మీ కుటుంబ సభ్యులతో కలిసి విహార యాత్రలు చేస్తారు. దాని కారణంగా కుటుంబ సభ్యులతో ఉన్న సంబంధ బాంధవ్యాలు మెరుగుపడతాయి. శని దృష్టి సంవత్సరమంతా రెండవ ఇంటిపై ఉండటం వలన కొన్నిసార్లు మీరు అనాలోచితంగా మాట్లాడే మాటలు మీ కుటుంబ సభ్యుల మనసు నొప్పించే అవకాశం ఉంటుంది. కాబట్టి వీలైనంతవరకు ఎదుటివారికి ఇబ్బంది కలిగేలా మాట్లాడకుండా ఉండటం మంచిది. అలాగే మీరు చెప్పిందే సరైనది అనే వాదన కూడా తగ్గించుకోవడం మంచిది.

లాభ స్థానంలో గురు సంచారం కారణంగా మీ దీర్ఘకాలిక కోరికల్లో చాలావరకు ఈ సమయంలో నెరవేరే అవకాశం ఉంటుంది. అది మీతో పాటు మీ కుటుంబ సభ్యులకు కూడా ఆనందాన్ని ఇస్తుంది. ముఖ్యంగా నూతన గృహం కానీ, వాహనం కానీ ఈ ఆనందానికి కారణం అయ్యే అవకాశం ఉంటుంది. అంతేకాకుండా ఈ సమయంలో వివాహం గురించి ఎదురుచూస్తున్న వారికి గాని, సంతానం గురించి ఎదురు చూస్తున్న వారికి కానీ అనుకూల ఫలితం లభిస్తుంది. వారి కోరికలు నెరవేరుతాయి.

2024 సంవత్సరంలోకర్కాటక రాశిలో జన్మించిన వారి ఆరోగ్యం ఏ విధంగా ఉండబోతోంది.

కర్కాటక రాశిలో జన్మించిన వారికి ఈ సంవత్సరం ఆరోగ్యపరంగా మిశ్రమంగా ఉంటుంది. మొదటి నాలుగు నెలలు కొన్ని ఆరోగ్య సమస్యలు ఉన్నప్పటికీ మిగిలిన సంవత్సరం అంతా పెద్దగా ఆరోగ్య సమస్యలు లేకుండా బాగుంటుంది. మే ఒకటి వరకు గురు గోచారం పదవ ఇంటిలో ఉండటం మరియు సంవత్సరం అంతా శని గోచారం ఎనిమిదవ ఇంటిలో ఉండటం వలన ఈ సమయంలో ఆరోగ్య విషయంలో జాగ్రత్త అవసరం. ముఖ్యంగా ఎముకలు, కాలేయము, వెన్నెముక, మరియు జననేంద్రియ సంబంధ ఆరోగ్య సమస్యలు ఈ సమయంలో మిమ్మల్ని ఇబ్బంది పెట్టే అవకాశం ఉంటుంది. ఎనిమిదవ ఇంటిలో శని గోచారం కారణంగా ఎముకలు మరియు జననేంద్రియ సంబంధ ఆరోగ్య సమస్యలు వచ్చే అవకాశం ఉంటుంది. ముఖ్యంగా మీ నిర్లక్ష్యం కారణంగా ఈ సమస్యలు వచ్చే అవకాశం ఉంటుంది కాబట్టి ఆరోగ్య విషయంలో ఈ సమయంలో నిర్లక్ష్యం వహించకుండా జాగ్రత్తగా ఉండటం మంచిది.

గురువు గోచారం పదవ ఇంటిలో ఉండే సమయంలో కాలేయము మరియు వెన్నెముకకు సంబంధించిన ఆరోగ్య సమస్యలు ఇబ్బంది పెట్టే అవకాశం ఉంటుంది. విశ్రాంతి లేకుండా పని చేయటం మరియు సమయానుకూలంగా భోజనం చేయకపోవడం, మరియు అలవాట్ల కారణంగా ఈ సమయంలో ఆరోగ్యము దెబ్బ తినే అవకాశం ఉంటుంది. మానసిక ఒత్తిడి మరియు వృత్తిపరమైన ఒత్తిడి కారణంగా మీరు కొన్నిసార్లు తిండికి నిద్రకు దూరమయ్యే అవకాశం ఉంటుంది కాబట్టి తగినంత విశ్రాంతికి కూడా ప్రాధాన్యత ఇవ్వడం మంచిది. అలాగే యోగా, ప్రాణాయామం లాంటి మానసిక శక్తిని పెంచే ప్రక్రియలను ఆచరించటం వలన కూడా ఆరోగ్య సమస్యల నుంచి మిమ్మల్ని మీరు కాపాడుకోవచ్చు.

మే ఒకటి నుంచి గురువు గోచారం అనుకూలంగా ఉండటం వలన మీ ఆరోగ్య సమస్యలు తగ్గుముఖం పడతాయి. ఈ సమయంలో కూడా శనిగోచారం అనుకూలంగా లేనప్పటికీ 11 ఇంటిలో గురు గోచారం కారణంగా శరీరంలో రోగనిరోధక శక్తి పెరగటం, మానసికంగా కూడా ఆనందంగా ఉండటం వలన మీ ఆరోగ్య సమస్యలు తగ్గుతాయి. గురువు దృష్టి ఐదవ ఇంటిపై ఉండటం వలన దీర్ఘకాలిక వ్యాధుల నుంచి కూడా బయటపడే అవకాశం ఉంటుంది. అయినప్పటికీ ఈ సమయంలో వాహనాలు నడిపేటప్పుడు అలాగే చిరుతిండ్ల విషయంలో జాగ్రత్తగా ఉండటం మంచిది.

అలాగే తొమ్మిదవ ఇంటిలో రాహు గోచారం ప్రత్యక్షంగా ఆరోగ్య సమస్యలు ఇవ్వనప్పటికీ పరోక్షంగా మీలో నిర్లక్ష్యాన్ని, వితండవాదాన్ని పెంచుతుంది. దాని కారణంగా ఇతరుల వద్దన్న పనులు చేయాలని కోరిక ఎక్కువవుతుంది. ముఖ్యంగా వాహనాలు నడిపేటప్పుడు అలాగే ప్రయాణాలు చేసేటప్పుడు ఇటువంటి నిర్లక్ష్య పూరిత ఆలోచన విధానం కారణంగా సమస్యల్ని కోరి తెచ్చుకున్న వారవుతారు.

2024 సంవత్సరంలోకర్కాటక రాశిలో జన్మించిన వారి చదువు ఏ విధంగా ఉండబోతోంది.

కర్కాటక రాశిలో జన్మించిన విద్యార్థులకు ఈ సంవత్సరం అనుకూలంగా ఉంటుంది. మొదటి నాలుగు నెలలు చదువు విషయంలో కొన్ని ఆటంకాలు ఏర్పడినప్పటికీ మిగిలిన సంవత్సరం అంతా చాలా అనుకూలంగా ఉండటం వలన చదువులో వారు అనుకున్న ఫలితాలను పొందుతారు. మే ఒకటి వరకు గురు గోచారం పదవ ఇంటిలో ఉండటం, సంవత్సరం అంతా శని దృష్టి రెండవ ఇంటిపై మరియు ఐదవ ఇంటిపై ఉండటం వలన మొదటి నాలుగు నెలలు ఎంత చదివినప్పటికీ పరీక్షలలో అనుకున్న ఫలితం సాధించలేకపోయే అవకాశం ఉంటుంది. ముఖ్యంగా ఈ సమయంలో పరీక్షల విషయంలో విద్యార్థుల్లో ఒకలాంటి నిర్లక్ష్య ధోరణి ఏర్పడే అవకాశం ఉంటుంది. తాము బాగా చదివాం కాబట్టి పరీక్షల్లో మంచి మార్కులు సాధించగలుగుతామని అహంకారపూరిత ధోరణి కారణంగా పరీక్షల సమయం వచ్చేసరికి వారిలో నిర్లక్ష్యం పెరిగే అవకాశం ఉంటుంది. ఈ సమయంలో చదువుతోపాటుగా పరీక్షలు రాసే విధానంపై కూడా దృష్టి పెట్టి లోపాల్ని సవరించుకోవడం మంచిది.

మే ఒకటి నుంచి గురు గోచారం అనుకూలంగా ఉంటుంది కాబట్టి ఈ సమయంలో చదువుపై శ్రద్ధ పెరగడమే కాకుండా గతంలో ఉన్న నిర్లక్ష్య ధోరణి తగ్గుతుంది. గురువు దృష్టి మూడవ ఇంటిపై మరియు ఐదవ ఇంటిపై ఉండటం వలన వారిలో కొత్త విషయాలు నేర్చుకోవాలని ఆసక్తి మరియు ఉత్తమ శ్రేణిలో ఉత్తీర్ణులు కావాలనే పట్టుదల పెరుగుతాయి. అంతేకాకుండా ఈ సమయంలో గురువుల మరియు అనుభవజ్ఞుల సలహాలు, సూచనలు కూడా అందటం వలన వలన వారు పరీక్షలను సరిగా రాయగలుగుతారు.

తొమ్మిదవ ఇంటిలో రాహు గోచారం కారణంగా విదేశాల్లో ఉన్నత విద్యాభ్యాసం చేయాలనుకునేవారు ఎక్కువ శ్రమ పడాల్సిన అవసరం ఉంటుంది. ముఖ్యంగా సమాచార లోపం కారణంగా కానీ లేదా నిర్లక్ష్యం కారణంగా కానీ మీరు చేసే ప్రయత్నం ఫలించకపోయే అవకాశం ఉంటుంది కాబట్టి మీరు అన్ని విషయాలు జాగ్రత్తగా పరిశీలించి సమయం మించిపోక ముందే విద్యాసంస్థల్లో ప్రవేశానికి దరఖాస్తు చేసుకోవడం మంచిది.

ఉద్యోగం కొరకు పోటీ పరీక్షలు రాస్తున్న వారికి ఈ సంవత్సరం అత్యంత అనుకూలంగా ఉంటుంది. ముఖ్యంగా మే ఒకటి నుంచి గురువు గోచారం లాభ స్థానంలో ఉండటం వలన వారి ప్రయత్నాలు ఫలించి వారికి ఉద్యోగం వచ్చే అవకాశం ఉంటుంది.

2024 సంవత్సరంలోకర్కాటక రాశిలో జన్మించిన వారు ఏ పరిహారాలు ఆచరించాలి

కర్కాటక రాశి వారు ఈ సంవత్సరం ప్రధానంగా శనికి పరిహారాలు చేయాలి. 8వ ఇంటిలో శని గోచారం కారణంగా వృత్తిలో, మరియు ఆరోగ్య విషయంలో సమస్యలు వచ్చే అవకాశం ఉంటుంది కాబట్టి శనికి పరిహారాలు చేయడం వలన వృత్తి పరంగా మరియు ఆరోగ్యపరంగా అనుకూలంగా మారుతుంది. దీనికి గాను ప్రతిరోజు లేదా ప్రతి శనివారం రోజు శని పూజ చేయడం, శని స్తోత్ర పారాయణం చేయటం లేదా శని మంత్ర జపం చేయటం మంచిది. వీటితోపాటు హనుమాన్ చాలీసా కానీ ఏదైనా హనుమాన్ స్తోత్రం పారాయణం కానీ చేయటం మంచిది. దైవ సంబంధ పరిహారాలతో పాటుగా శని ప్రభావం తగ్గాలంటే వీలైనంతవరకు సేవ చేయడం మంచిది. శారీరక లోపాలున్న వారికి కానీ, అనాథలకు కానీ, వృద్ధులకు కానీ ఈ సమయంలో సేవ చేయడం వలన శని ప్రభావం తగ్గుతుంది. అంతేకాకుండా బద్ధకంతో ఉండకుండా శారీరకంగా కూడా శ్రమ చేయడం వలన కూడా శని ప్రభావం తగ్గుతుంది. శని మనలోని లోపాలని బయటపెట్టి వాటిని సరిదిద్దుకునేలా చేస్తాడు కాబట్టి శని ప్రభావము వలన వచ్చే సమస్యలను గురించి భయపడటంకంటే ఆ సమస్యకు కారణం ఏంటో కనుక్కోగలిగితే భవిష్యత్తులో ఇటువంటి సమస్యలు రాకుండా మనల్ని మనం కాపాడుకోగలుగుతాము.

ఈ సంవత్సరం మే ఒకటి వరకు గురువు గోచారం పదవ ఇంటిలో మిశ్రమ ఫలితాలను ఇచ్చేదిగా ఉంటుంది కాబట్టి ఈ సమయంలో గురువు ఇచ్చే చెడు ప్రభావం తగ్గటానికి ప్రతిరోజు లేదా ప్రతి గురువారం రోజు గురు స్తోత్ర పారాయణం చేయడం కానీ, గురు మంత్ర జపం చేయటం కానీ మంచిది. దీని వలన గురువు ఇచ్చే చెడు ప్రభావం తగ్గుతుంది. వీటితోపాటు గురువులను, పెద్దలను గౌరవించడం, మరియు విద్యార్థులకు వారి చదువు ముందు సాగేలా వారికి తోచిన రూపంలో సాయం చేయడం మంచిది.

ఈ సంవత్సరం అంతా రాహు గోచారం 9వ ఇంటిలో ఉంటుంది కాబట్టి రాహు ఇచ్చే చెడు పలితాలు తగ్గటానికి ప్రతిరోజు లేదా ప్రతి శనివారం రాహు స్తోత్ర పారాయణం చేయటం లేదా రాహు మంత్ర జపం చేయటం మంచిది. దీనితోపాటు దుర్గా స్తోత్ర పారాయణం చేయటం లేదా దుర్గా సప్తశతి పారాయణం చేయటం వలన కూడా రాహువు ఇచ్చే చెడు ప్రభావం తగ్గుతుంది.

సింహ రాశిఫలములు 2024 సంవత్సర రాశిఫలములు

మఖ 4 పాదాలు (మ, మి, ము, మే),
పుబ్బ 4 పాదాలు (మో, ట, టి, టు)
ఉత్తర 1వ పాదం (టె)

2024 సంవత్సరములో సింహ రాశి వారికి ఏ విధంగా ఉండబోతోంది.

సింహరాశి వారికి ఈ సంవత్సరమంతా, శని కుంభ రాశిలో, ఏడవ ఇంట్లో, రాహువు మీన రాశిలో, ఎనిమిదో ఇంట్లో, మరియు కేతువు కన్యా రాశిలో 2వ ఇంట్లో సంచరిస్తారు. సంవత్సరం ప్రారంభంలో బృహస్పతి మేష రాశిలో, తొమ్మిదవ ఇంట్లో సంచరిస్తాడు మరియు మే 01 నుంచి, వృషభ రాశిలో, పదవ ఇంటిలో తన సంచారాన్ని కొనసాగిస్తాడు.

2024 సంవత్సరంలో సింహరాశిలో జన్మించిన వ్యాపారస్తులకు ఏ విధంగా ఉండబోతోంది.

సింహరాశిలో జన్మించిన వ్యాపారస్తులకు ఈ సంవత్సరం వ్యాపార పరంగా మిశ్రమ ఫలితాలను ఇస్తుంది. సంవత్సరం అంతా శని గోచారం ఏడవ ఇంటిలో ఉండటం, రాహు గోచారం ఎనిమిదో ఇంట్లో ఉండటం వలన వ్యాపారం కొంత మందకొడిగా సాగుతుంది. అయితే ఏప్రిల్ వరకు గురు గోచారం తొమ్మిదవ ఇంట్లో అనుకూలంగా ఉండటం వలన వ్యాపారం తక్కువ సాగినప్పటికీ ఆర్థికంగా అనుకూలంగా ఉండటం వలన పెద్దగా ఇబ్బంది పడే అవసరం ఉండదు. ఏడవ ఇంటిలో శనిగోచారం మరియు ఎనిమిదవ ఇంటిలో రాహువు గోచారం వలన వ్యాపార భాగస్వాములతో సమస్యలు ఏర్పడే అవకాశం ఉంటుంది. ముఖ్యంగా ఇద్దరి మధ్యలో అభిప్రాయ భేదాలు ఏర్పడడం, మరియు మాట పట్టింపులు ఎక్కువ అవ్వటం వలన వ్యాపారం పైన దృష్టి తగ్గుతుంది

రాహు గోచారం ఎనిమిదవ ఇంటిలో ఉన్నంతకాలం ఆర్థిక లావాదేవీల విషయంలో కూడా వ్యాపార భాగస్వామితో సమస్యలు ఏర్పడే అవకాశం ఉంటుంది. అంతేకాకుండా వారి చర్యల కారణంగా లేదా వారి సహకారం సరిగా లేనందువలన ముఖ్యమైన వ్యాపార ఒప్పందాలు పూర్తిగా కాకుండా మధ్యలో ఆగిపోయే అవకాశం ఉంటుంది. మీరు ఎంత ప్రయంతించినప్పటికీ ఏదో ఒక కారణం చెప్పి వారు సరైన సహకారం అందించక తప్పించుకుని తిరిగే అవకాశం ఉంటుంది. వీలైనంతవరకు గొడవలకు పోకుండా సామరస్య పూర్వకంగా సమస్యలు పరిష్కరించుకోవడం వలన వ్యాపారంలో ఏర్పడిన ఇబ్బందులు తొలిగిపోతాయి.

ఏడవ ఇంటిలో శని గోచారం కారణంగా వినియోగదారులతో తరచుగా సమస్యలు రావడం కానీ లేదా వ్యాపార ఒప్పందాలు ఒక పట్టాన పూర్తి కాకపోవడం కానీ జరగవచ్చు. అంతేకాకుండా వ్యాపార ప్రదేశంలో చేసిన మార్పులు కూడా ఒక రకంగా మీ ఇబ్బందికి కారణం అయ్యే అవకాశం ఉంటుంది. ఈ సమయంలో న్యాయ సంబంధమైన చిక్కులకు దూరంగా ఉండటం మంచిది. ముఖ్యంగా పన్నులు కానీ ఇతర ప్రభుత్వ సంబంధ విషయాల్లో నిజాయితీగా ఉండటం వలన ఎటువంటి సమస్యలు లేకుండా వ్యాపారం చేసుకోగలుగుతారు.

గురువు గోచారం మే ఒకటి వరకు అనుకూలంగా ఉండటం వలన వ్యాపారంలో సమస్యలు వచ్చినప్పటికీ సమయానికి ఎవరో ఒకరి రూపంలో మీ సమస్యకు పరిష్కారం దొరుకుతుంది. అంతేకాకుండా ఆర్థికంగా కూడా ఈ సమయం కొంత అనుకూలంగా ఉంటుంది. ముఖ్యంగా గతంలో చేసిన పెట్టుబడులు ఈ సమయంలో లాభాలను ఇవ్వటంతో ఆ డబ్బు వ్యాపార అభివృద్ధికి ఉపయోగపడుతుంది. మే ఒకటి నుంచి గురువు గోచారం పదవ ఇంటిలో ఉంటుంది కాబట్టి ఈ సమయంలో వ్యాపార విషయంలో కానీ, మీ దగ్గర పనిచేస్తున్న ఉద్యోగుల విషయంలో కానీ కొంత జాగ్రత్త అవసరం అవుతుంది. ఉద్యోగుల సహకారం సరిగా అందకపోవటం లేదా వారు సమయానికి పని మానేయటం వలన కూడా మీరు ఇబ్బందులను ఎదుర్కునే అవకాశం ఉంటుంది. ఈ సమయంలో వీలైనంతవరకు ఒకరిపై ఆధారపడకుండా మీ పనులు మీరు చేసుకోవడం వలన చాలావరకు వ్యాపార పరంగా ఉండే సమస్యల నుంచి బయట పడగలుగుతారు.

2024 సంవత్సరంలో సింహరాశిలో జన్మించినఉద్యోగస్థులకు ఏ విధంగా ఉండబోతోంది.

సింహరాశిలో జన్మించిన ఉద్యోగస్థులకు ఈ సంవత్సరం మిశ్రమ ఫలితాలను ఇస్తుంది. మే ఒకటి వరకు గురు గోచారం అత్యంత అనుకూలంగా ఉంటుంది కాబట్టి ఈ సమయంలో వృత్తిలో అభివృద్ధి సాధ్యమవుతుంది. ముఖ్యంగా చేసే పనులకు అదృష్టం కలిసి వచ్చి వృత్తిలో విజయం సాధిస్తారు. మీపై అధికారుల మెప్పును పొందుతారు. అంతేకాకుండా మీరు కోరుకున్న చోటికి బదిలీ అవ్వటం కానీ లేదా విదేశీ యానం చేయడం కానీ చేస్తారు. మీ ఆలోచనలు, మీ సృజనాత్మకత మీకు విజయాన్ని అందించడమే కాకుండా మీలో ఉన్న ప్రతిభను సమాజానికి చూపిస్తుంది. ఒకటవ ఇంటిపై గురు దృష్టి కారణంగా మీరు ఎంత శ్రమ అయినా ఓర్చుకొని ఉల్లాసంగా పని చేయగలుగుతారు. కొత్తగా ఉద్యోగ రీత్యా విదేశాలకు వెళ్లాలనుకునే వారికి ఈ సంవత్సరం ప్రథమార్థం అనుకూల ఫలితాన్ని ఇస్తుంది. అంతేకాకుండా చాలా కాలం నుంచి కోరుకున్న పదోన్నతి కూడా ఈ సమయంలో సాధ్యమవుతుంది .

మే నుంచి గురువు గోచారం పదవ ఇంటికి మారడంతో వృత్తి పరంగా కొన్ని మార్పులు చోటు చేసుకునే అవకాశం ఉంటుంది. ముఖ్యంగా పదోన్నతి కారణంగా మీరు క్షణం తీరిక లేకుండా పనిచేయాల్సి రావటం, అలాగే గతంలో లాగా మీ సహోద్యోగుల సహకారం కూడా అందకపోవటం వలన మీరు ఒత్తిడికి లోన అయ్యే అవకాశం ఉంటుంది. ఈ సమయంలో గొప్పలకు పోయి మీకు సాధ్యం కాని పనులు చేయటానికి ప్రయత్నించకండి

ఈ సంవత్సరం అంతా శనిగోచారం ఏడవ ఇంటిలో ఉండటం వలన మీ వృత్తిలో కొన్నిసార్లు ఎక్కువ శ్రమకోర్చి పనిచేసినప్పటికీ తగిన గుర్తింపు లభించకపోవడం వలన మీరు నిరాశకు గురయ్యే అవకాశం ఉంటుంది. ముఖ్యంగా మే 1 నుంచి గురువు గోచారం పదవ ఇంటికి మారడంతో మీకు ఇతరుల నుంచి మీకు వృత్తి విషయంలో సవాళ్లు ఎదురయ్యే అవకాశం ఉంటుంది. గతంలో మీరు సులువుగా చేసిన పనులు కూడా ఇప్పుడు ఎవరి సహకారం లేకపోవడంతో కొంత ఇబ్బందితో పూర్తి చేయాల్సి వస్తుంది. శని దృష్టి ఒకటవ, 9వ మరియు నాలుగవ ఇంటిపై ఉండటం వలన మీకు చేసే పనుల విషయంలో అదృష్టం కంటే ఎక్కువగా శ్రమను నమ్ముకోవాల్సి ఉంటుంది. ముఖ్యంగా ఎవరి సహాయం లేకుండా చేయడానికి ప్రయత్నించడం మంచిది. ఒకవేళ ఎవరైనా సహాయం చేసిన తర్వాత ఆ పని గొప్పతనాన్ని మీకు సహాయం చేసిన వ్యక్తులు ఆపాదించుకునే అవకాశం ఉంటుంది. దాని కారణంగా మీకు రావాల్సిన గుర్తింపు రాకుండా పోతుంది. అంతేకాకుండా ఈ సమయంలో మీరు చేపట్టిన పనులను చెడగొట్టడానికి, లేదా మీ వచ్చిన అవకాశాలను పోగొట్టడానికి సహోద్యోగులు కానీ ఇతరులు కానీ ప్రయత్నించే అవకాశం ఉంటుంది కాబట్టి, ఎవరిని గుడ్డిగా నమ్మకండి. అలాగే పని విషయంలో గర్వాన్ని, అహంకారాన్ని విడిచిపెట్టడం మంచిది.

ఎనిమిదవ ఇంటిలో రాహు గోచారం కారణంగా కొన్నిసార్లు మీరు చేయని తప్పులకు కూడా మీరు క్షమాపణలు చెప్పాల్సిన పరిస్థితి రావచ్చు. అంతేకాకుండా వీలైనంతవరకు ఇతరుల విషయాల్లో జోక్యం చేసుకోకుండా మీ పని మీరు చేసుకోవడం వలన ఈ సంవత్సరం ఉద్యోగ విషయంలో ఎక్కువ సమస్యలు లేకుండా గడిచిపోతుంది. ఈ సమయం మీ సహనాన్ని పరీక్షించడానికి మరియు మీలో ఉన్న లోపాల్ని సవరించుకోడానికి మంచి సమయంగా గుర్తించండి. వచ్చిన సమస్యలను సరిగా అర్థం చేసుకుంటే మీరు వాటిని జయించవచ్చు.

2024 సంవత్సరంలో సింహరాశిలో జన్మించిన వారి ఆర్థిక స్థితి ఏ విధంగా ఉండబోతోంది.

ఈ సంవత్సరం సింహ రాశిలో జన్మించిన వారికి ఆర్థికంగా మిశ్రమ ఫలితాలను ఇస్తుంది. ముఖ్యంగా మే ఒకటి వరకు గురుగోచారం అనుకూలంగా ఉంటుంది కాబట్టి ఈ సమయంలో ఆర్థిక స్థితి మెరుగ్గా ఉంటుంది. ఆదాయం పెరగటం వలన స్థిరాస్తి కొనుగోళ్లు చేస్తారు. తొమ్మిదవ ఇంటిలో గురువు గోచారం కారణంగా చాలా విషయాల్లో మీకు అదృష్టం కలిసి వచ్చి ఆదాయం పెరుగుతుంది. అయితే ఇటువంటి పరిస్థితి మే ఒకటి వరకే ఉంటుంది కాబట్టి, కేవలం అదృష్టం మీదనే ఆధారపడటం మంచిది కాదు. ఐదవ ఇంటి అధిపతి అయిన గురువు తొమ్మిదవ ఇంటిలో సంచరించటం వలన మరియు గురువు దృష్టి ఒకటి, మూడు, మరియు ఐదవ ఇంటిపై ఉండటం వలన మీ ఆలోచనలు, మరియు మీ పెట్టుబడులు సరైన మార్గంలో వెళ్ళటం వలన డబ్బు రాబడి పెరుగుతుంది. అంతేకాకుండా మీ పూర్వీకుల ఆస్తులు కానీ, వివాదాల కారణంగా మీకు రాకుండా ఆగిపోయిన ఆస్తులు కానీ ఈ సమయంలో మీకు వచ్చే అవకాశం ఉంటుంది. అలాగే గతంలో ఇచ్చి ఎంత కాలం అయినప్పటికీ తిరిగి రాని డబ్బు కూడా ఈ సమయంలో తిరిగి వచ్చే అవకాశం ఉంటుంది.

మే ఒకటి నుంచి గురువు గోచారం పదవ ఇంటికి మారుతుంది. గురు దృష్టి ధనస్థానంపై ఉన్నప్పటికీ వచ్చే ఆదాయంలో తగ్గుదల కనిపిస్తుంది. గతంలో చేసిన అప్పులు కానీ, లోన్లు కానీ తిరిగి తీర్చాల్సిన పరిస్థితి ఏర్పడుతుంది. ఆదాయం ఉన్నప్పటికీ డబ్బు తిరిగి చెల్లించాల్సిన పరిస్థితి కారణంగా గతంలో లాగా ఎక్కువగా పొదుపు చేయలేరు. ఈ సమయంలో పెట్టుబడుల విషయంలో కూడా జాగ్రత్తగా ఉండాలి. ఒకటో ఇంటిపై మరియు ఐదవ ఇంటిపై శని దృష్టి కారణంగా తొందరపడి పెట్టే పెట్టుబడులు నష్టాలను ఇచ్చే అవకాశం ఉంటుంది. ముఖ్యంగా డబ్బు ఎక్కువ వస్తుందని ఉద్దేశంతో రిస్కు తీసుకొని పెట్టుబడులు పెట్టడం ఈ సమయంలో అస్సలు పనికిరాదు.

ఈ సంవత్సరం అంతా రాహు గోచారం ఎనిమిదవ ఇంటిలో ఉంటుంది కాబట్టి ఇది ఖర్చులను పెంచుతుంది. ఈ సమయంలో ఖర్చుల విషయంలో జాగ్రత్తగా ఉండాల్సి ఉంటుంది. చాలాసార్లు గొప్పలకు పోయి మీ శక్తికి మించిన ఖర్చు చేసే అవకాశం ఉంటుంది. ముఖ్యంగా మీ నిర్లక్ష్యం కారణంగా లేదా ఇతరులు మిమ్మల్ని కావాలని రెచ్చగొట్టడం వలన ఈ విధంగా ఖర్చు చేసే అవకాశం ఉంటుంది. వీలైనంత వరకు డబ్బు అందుబాటులో ఉంచుకోకండి అలా ఉంచుకున్నట్లయితే ఖర్చయ్యే అవకాశం ఎక్కువగా ఉంటుంది. అంతేకాకుండా కొన్నిసార్లు డబ్బు కానీ విలువైన వస్తువులు కానీ పోగొట్టుకునే అవకాశం ఉంటుంది కాబట్టి ప్రయాణాల్లో విలువైన వస్తువులు ఆభరణాలు జాగ్రత్త చేసుకోవడం కానీ వాటిని వెంట తీసుకుపోకుండా ఉండడం కానీ చేయటం మంచిది.

2024 సంవత్సరంలో సింహరాశిలో జన్మించిన వారి కుటుంబ స్థితి ఏ విధంగా ఉండబోతోంది.

సింహరాశిలో జన్మించిన వారికి కుటుంబ పరంగా ఈ సంవత్సరం మిశ్రమ ఫలితాన్ని ఇస్తుంది. మే ఒకటి వరకు గురువు గోచారం అనుకూలంగా ఉండటం వలన ఇంట్లో వివాహాది శుభకార్యాలు జరగడం కానీ, సంతానం లేని వారికి సంతాన ప్రాప్తి జరగడం కానీ, లేదా గతంలో మనస్పర్ధలు ఏర్పడిన కుటుంబ సభ్యుల మధ్యన సఖ్యత ఏర్పడడం కానీ జరుగుతుంది . గురువు దృష్టి ఐదవ ఇంటిపై ఉండటం వలన ఈ సమయంలో మీ సంతానం వారి రంగాల్లో విజయాలు సాధిస్తారు. అంతేకాకుండా మీ తోబుట్టులతో సఖ్యత పెరుగుతుంది మరియు వారి సహకారంతో ముఖ్యమైన పనులు పూర్తి చేయగలుగుతారు.

ఈ సంవత్సరం శని గోచారం ఏడవ ఇంటిలో ఉంటుంది కాబట్టి మీ జీవిత భాగస్వామితో అప్పుడప్పుడు మనస్పర్థలు ఏర్పడే అవకాశం ఉంటుంది. ముఖ్యంగా ఇద్దరి మధ్యలో అవగాహన లోపించడం దాని కారణంగా ఒకరి లోపాలు ఒకరు ఎత్తిచూపుకోవటం చేస్తుంటారు. అంతేకాకుండా మీరు చెప్పే వాటికి వితండవాదం చేయటం మరియు చేయాల్సిన పనులను వాయిదా వేస్తూ ఉండటం వలన మీలో అసహనం పెరిగే అవకాశం ఉంటుంది. ఈ సమయంలో వీలైనంతవరకు ప్రశాంతంగా ఉండటం, ఏవైనా గొడవలు జరిగినప్పుడు దానిని పెంచుకోకుండా తక్కువగా మాట్లాడటం మరియు గొడవలు సమస్య పోవడానికి పెద్దవారి సహకారం తీసుకోవడం మంచిది. మే వరకు గురు గోచారము అనుకూలంగా ఉంటుంది కాబట్టి సమస్యలు వచ్చినప్పటికీ సామరస్య పూర్వంగా పరిష్కరించుకో గలుగుతారు. మే ఒకటి నుంచి గురువు దృష్టి కుటుంబ స్థానంపై ఉండటం వలన కుటుంబంలో వృద్ధి ఏర్పడుతుంది. ఈ సమయంలో శని దృష్టి మరియు గురువు దృష్టి నాలుగవ ఇంటిపై ఉండటం వలన ఇంటిలో సమస్యలు రావడం కానీ లేదా మీరు ఉద్యోగరీత్యా వేరే ప్రాంతానికి వెళ్లాల్సి రావడం కానీ జరుగుతుంది.

ఈ సంవత్సరం అంతా రాహు గోచారం ఎనిమిదవ ఇంటిలో, కేతువు గోచారం రెండవ ఇంటిలో ఉండటం వలన ఈ సంవత్సరం మీ ఇంటిలో పెద్దవారికి ఆరోగ్య సమస్యలు వచ్చే అవకాశం ఉంటుంది. దాని కారణంగా మీరు మానసికంగా ఆందోళనకు గురయ్యే అవకాశం ఉంటుంది. అయితే మే వరకు గురు గోచారం 9వ ఇంటిలో ఉండటం, మే 1 నుంచి గురు దృష్టి కుటుంబ స్థానంపై ఉండటం వలన వారి ఆరోగ్యం తొందరగానే బాగుపడుతుంది. ఈ సంవత్సరం శని మరియు రాహువులు అనుకూలంగా ఉండరు కాబట్టి వీలైనంతవరకు కుటుంబ సభ్యులతో సమస్యలను పెంచుకోకుండా సామరస్య పూర్వకంగా ఉండటం మంచిది.

2024 సంవత్సరంలో సింహరాశిలో జన్మించిన వారి ఆరోగ్య స్థితి ఏ విధంగా ఉండబోతోంది.

సింహరాశిలో జన్మించిన వారికి ఈ సంవత్సరం ఆరోగ్య విషయంలో మిశ్రమ ఫలితాలను ఇస్తుంది. మే వరకు గురు దృష్టి ఒకటవ ఇంటిపై మరియు ఐదవ ఇంటిపై ఉంటుంది కాబట్టి ఈ సమయంలో ఆరోగ్యం బాగుంటుంది. గతంలో ఉన్న ఆరోగ్య సమస్యలు తగ్గుముఖం పడతాయి. మీరు ఉత్సాహంగా మీ పనులను చేసుకోగలుగుతారు.

ఈ సంవత్సరం అంతా శని గోచారం ఏడవ ఇంటిలో ఉండటం వలన ఆరోగ్య విషయంలో కొన్ని జాగ్రత్తలు అవసరం. మే వరకు ఆరోగ్యం బాగున్నప్పటికీ మే నుంచి కొన్ని ఆరోగ్య సమస్యలు మిమ్మల్ని ఇబ్బంది పెట్టే అవకాశం ఉంటుంది. ఏడవ ఇంట్లో శని కారణంగా ఎముకలు, కిడ్నీలు, మరియు ఊపిరితిత్తులకు సంబంధించిన ఆరోగ్య సమస్యలు మిమ్మల్ని ఇబ్బంది పెట్టే అవకాశం ఉంటుంది. ఈ సమయంలో బద్ధకానికి తావివ్వకుండా మీరు వ్యాయామము, నడక లాంటి అలవాట్లను అలవరచుకోవాల్సి ఉంటుంది. అలాగే మానసికంగా ప్రశాంతంగా ఉండటానికి యోగా, ధ్యానం లాంటివి అలవాటు చేసుకోవడం మంచిది. శని దృష్టి ఒకటవ ఇంటిపై ఉంటుంది కాబట్టి మానసికంగా ఏదో ఒక చికాకు మిమ్మల్ని వెంటాడుతూ ఉంటుంది. ఎదుటి వారి గురించి ఎక్కువగా ఆలోచించడం, మరియు వారి సమస్యలను మీపై వేసుకోవడం వలన ఈ రకమైన చికాకులు మరియు మానసిక ఆందోళన ఈ సమయంలో ఎక్కువ అవుతుంది.

ఈ సంవత్సరం అంతా రాహు గోచారం ఎనిమిది ఇంటిలో ఉంటుంది కాబట్టి ఈ సమయంలో ఊపిరితిత్తులకు సంబంధించిన సమస్యలు మరియు విష జ్వరములు లేదా ఎలర్జీలు వంటి ఆరోగ్య సమస్యలు ఈ సంవత్సరం మిమ్మల్ని ఇబ్బంది పెట్టే అవకాశం ఉంటుంది. అయితే మే ఒకటి వరకు గురు గోచారం అనుకూలంగా ఉంటుంది కాబట్టి ఈ సమయంలో ఆరోగ్యపరంగా సమస్యలు ఎక్కువగా ఉండవు. అయితే మే ఒకటి గురువు గోచారం పదవ ఇంటిలో ఉంటుంది కాబట్టి ఈ సమయంలో మాత్రం ఆరోగ్య విషయంలో జాగ్రత్తగా తీసుకోవడం అవసరం. సమయానికి ఆహారం తీసుకోవడం మరియు సరైన విశ్రాంతి తీసుకోవడం వలన ఆరోగ్య సమస్యలు తగ్గుముఖం పట్టే అవకాశం ఉంటుంది.

ఈ సంవత్సరం అంతా మీరు మీ భోజనం విషయంలో మరియు విశ్రాంతి విషయంలో సరైన శ్రద్ధ పెట్టకుంటే రోగాల బారిన పడే అవకాశం అధికంగా ఉంటుంది. మానసిక ఒత్తిడి తగ్గించుకునే ప్రయత్నం నిరంతరం చేస్తూ ఉండండి మిమ్మల్ని మీరు ఉత్సాహంగా ఉంచుకోవడం మరియు ఏదో ఒక పనిలో నిమగ్నమయ్యేలా చూసుకోవటం వలన ఈ సంవత్సరం ఆరోగ్య సమస్యల బారిన పడకుండా మిమ్మల్ని మీరు రక్షించుకోవచ్చు.

2024 సంవత్సరంలో సింహరాశిలో జన్మించిన వారి చదువు ఏ విధంగా ఉండబోతోంది.

విద్యార్థులకు ఈ సంవత్సరం మిశ్రమ ఫలితాలను ఇస్తుంది. మే ఒకటి వరకు గురువు గోచారం అనుకూలంగా ఉంటుంది కాబట్టి ఈ సమయంలో విద్యార్థులకు మంచి పురోగతి ఉంటుంది. వారు అనుకున్న విద్యాలయాల్లో ప్రవేశం పొందడమే కాకుండా పరీక్షల్లో కూడా మంచి మార్కులతో ఉత్తీర్ణులవుతారు. గురువు దృష్టి ఒకటవ ఇంటిపై, మూడవ ఇంటిపై మరియు ఐదవ ఇంటిపై ఉండటం వలన వారికి చదువుకోవాలని ఆసక్తి పెరగడమే కాకుండా, కొత్త విషయాలను నేర్చుకోవాలని, పరీక్షల్లో మంచి మార్కులతో ఉత్తీర్ణులు కావాలని తపన ఎక్కువ అవుతుంది. అది సాధించడానికి విశేషంగా కృషి చేస్తారు. గురువుల మరియు నిపుణుల సహాయ సహకారాలు వీరికి అందటం వలన విద్యలో మరింతగా రాణించడానికి ఉపయోగపడుతుంది. మే ఒకటి నుంచి గురువు గోచారం పదవ ఇంటికి మారటం వలన వీరు చదువు కంటే ఎక్కువ కీర్తి ప్రతిష్టలకు ప్రాధాన్యత ఇవ్వడం చేస్తారు. దాని కారణంగా కొత్త విషయాలను నేర్చుకోకపోవడం మరియు పరీక్షల్లో అనుకున్న మార్కులు సాధించడానికి వివిధ రకాల మార్గాలను అనుసరించడం వలన వారు మంచి మార్కులు సాధించినప్పటికీ వారు తమ పేరు చెడగొట్టుకునే అవకాశం ఉంటుంది. ఈ సమయంలో వారు సరైన మార్గంలో నడవటానికి వారి గురువుల లేదా పెద్దవారి సహాయం అవసరం అవుతుంది.

ఈ సంవత్సరం అంతా శని గోచారం ఏడవ ఇంటిలో ఉండటం వలన శని దృష్టి తొమ్మిది, ఒకటి, మరియు నాలగవ ఇంటిపై ఉంటుంది. దీని కారణంగా మే ఒకటి తర్వాత నుంచి చదువుపై ఆసక్తి తగ్గటం లేదా బద్ధకం పెరగడం జరుగుతుంది. అంతేకాకుండా పరీక్షల్లో వారు అనుకున్న మార్కులు సాధించటానికి వారు సులువైన మార్గాలను వెతికే అవకాశం ఉంటుంది. దాని కారణంగా సమయాన్ని వ్యర్థం చేస్తారు. అంతేకాకుండా విదేశాల్లో విద్యాభ్యాసం చేయాలనుకునే విద్యార్థులకు కొన్ని ఆటంకాలు ఎదురయ్యే అవకాశం ఉంటుంది. ఈ సమయంలో ఇలాంటి ఆటంకాలకు నిరుత్సాహ పడకుండా ప్రయత్నం చేసినట్లయితే వారు అనుకున్న లక్ష్యాన్ని చేరుకోగలుగుతారు. ఈ సంవత్సరంలో చదువు విషయంలో వీలైనంతవరకు నిజాయితీగా ఉండటం మరియు ఫలితం ఆశించకుండా చదవడం వలన విద్యార్థులు తమ లక్ష్యాన్ని సాధించగలుగుతారు.

ఉద్యోగం కొరకు పోటీపరీక్షలు రాసేవారికి ఈ సంవత్సరం మే వరకు అత్యంత అనుకూలంగా ఉంటుంది. ఈ సమయంలో రాసే పరీక్షల్లో వారు విజయం సాధించడమే కాకుండా వారి లక్ష్యాన్ని చేరుకోగలుగుతారు. అయితే మే ఒకటి నుంచి గురువు గోచారం అనుకూలంగా ఉండదు కాబట్టి ఉద్యోగ విషయంలో తామనుకున్న లక్ష్యాన్ని చేరుకోలేమనే భయం కానీ, ఉద్యోగం రాదేమో అని నిరాశ కాని ఎక్కువ అవుతుంది. అయితే ఈ సమయంలో గురువు దృష్టి రెండవ మరియు, ఆరవ ఇంటిపై ఉంటుంది కాబట్టి వారు నిరాశ చెందకుండా ప్రయత్నించినట్లయితే అనుకున్న లక్ష్యాన్ని సాధించగలుగుతారు. ఈ సమయంలో నిజాయితీగా పట్టు వదలకుండా ప్రయత్నించడం మంచిది.

2024 సంవత్సరంలో సింహరాశిలో జన్మించిన వారు ఏ పరిహారాలు చేయాలి

ఈ సంవత్సరం సింహ రాశిలో జన్మించిన వారు శనికి మరియు రాహువు కు ప్రధానంగా పరిహారాలు ఆచరించాల్సి ఉంటుంది. సంవత్సర ద్వితీయార్థంలో గురు గోచారం 10వ ఇంటిలో మిశ్రమ ఫలితాలను ఇచ్చేదిగా ఉంటుంది కాబట్టి గురువుకు పరిహారాలు ఆచరించాల్సి ఉంటుంది. ఈ సంవత్సరం అంతా శని గోచారం ఏడవ ఇంట్లో ఉండటం వలన శని కారణంగా వృత్తి వ్యాపారాల్లో మరియు కుటుంబ విషయాల్లో సమస్యలు వచ్చే అవకాశం ఉంటుంది కాబట్టి ఈ చెడు ప్రభావం తగ్గటానికి శనికి పరిహారాలు ఆచరించండి. దీనికి గాను ప్రతిరోజు లేదా ప్రతి శనివారం రోజు శని పూజ చేయడం, శని స్తోత్ర పారాయణం చేయటం లేదా శని మంత్ర జపం చేయటం మంచిది. వాటితోపాటు హనుమాన్ చాలీసా కానీ ఏదైనా హనుమాన్ స్తోత్రం పారాయణం కానీ చేయటం మంచిది. దైవ సంబంధ పరిహారాలతో పాటుగా శని ప్రభావం తగ్గాలంటే వీలైనంతవరకు సేవ చేయడం మంచిది. శారీరక లోపాలున్న వారికి కానీ, అనాథలకు కానీ, వృద్ధులకు కానీ ఈ సమయంలో సేవ చేయడం వలన శని ప్రభావం తగ్గుతుంది. అంతేకాకుండా బద్ధకంతో ఉండకుండా శారీరకంగా కూడా శ్రమ చేయడం వలన కూడా శని ప్రభావం తగ్గుతుంది. శని మనలోని లోపాలని బయటపెట్టి వాటిని సరి దిద్దుకునేలా చేస్తాడు కాబట్టి శని ప్రభావము వలన వచ్చే సమస్యలను గురించి భయపడటంకంటే ఆ సమస్యకు కారణం ఏంటో కనుక్కోగలిగితే భవిష్యత్తులో ఇటువంటి సమస్యలు రాకుండా మనల్ని మనం కాపాడుకోగలుగుతాము.

ఈ సంవత్సరం మే ఒకటి నుంచి గురువు గోచారం పదవ ఇంటిలో మిశ్రమ ఫలితాలను ఇచ్చేదిగా ఉంటుంది కాబట్టి ఈ సమయంలో గురువు ఇచ్చే చెడు ప్రభావం తగ్గటానికి ప్రతిరోజు లేదా ప్రతి గురువారం రోజు గురు స్తోత్ర పారాయణం చేయడం కానీ, గురు మంత్ర జపం చేయటం కానీ మంచిది. దీని వలన గురువు ఇచ్చే చెడు ప్రభావం తగ్గుతుంది. వాటితోపాటు గురువులను, పెద్దలను గౌరవించడం, మరియు విద్యార్థులకు వారి చదువు ముందు సాగేలా వారికి తోచిన రూపంలో సాయం చేయడం మంచిది.

ఈ సంవత్సరం అంతా రాహు గోచారం 8వ ఇంటిలో ఉంటుంది కాబట్టి రాహు ఇచ్చే చెడు ఫలితాలు తగ్గటానికి ప్రతిరోజు లేదా ప్రతి శనివారం రాహు స్తోత్ర పారాయణం చేయటం లేదా రాహు మంత్ర జపం చేయటం మంచిది. దీనితోపాటు దుర్గా స్తోత్ర పారాయణం చేయటం లేదా దుర్గా సప్తశతి పారాయణం చేయటం వలన కూడా రాహువు ఇచ్చే చెడు ప్రభావం తగ్గుతుంది.

కన్య రాశిఫలములు 2024 సంవత్సర రాశిఫలములు

ఉత్తర 2,3, 4 పాదాలు (టొ, ప, పి)
హస్త 4 పాదాలు (పు, షం, ణ, ఠ)
చిత్త 1,2 పాదాలు (పె, పొ)

2024 సంవత్సరంలో కన్యా రాశి వారికి ఏ విధంగా ఉండబోతోంది.

కన్యా రాశి వారికి ఈ సంవత్సరం అంతా శని కుంభరాశిలో, ఆరవ ఇంటిలో, రాహువు మీన రాశిలో, ఏడవ ఇంటిలో మరియు కేతువు కన్యా రాశిలో, ఒకటవ ఇంటిలో సంచరిస్తారు. మే ఒకటి వరకు గురువు మేషరాశిలో, ఎనిమిదవ ఇంటిలో సంచరిస్తాడు ఆ తర్వాత వృషభరాశిలో, తొమ్మిదవ ఇంటిలో సంచరిస్తాడు.

2024 సంవత్సరంలో కన్యా రాశిలో జన్మించిన వ్యాపారస్తులకు ఏ విధంగా ఉండబోతోంది.

కన్యా రాశిలో జన్మించిన వ్యాపారస్తులకు ఈ సంవత్సరం మిశ్రమ ఫలితాలను ఇస్తుంది. సంవత్సరం అంతా ఏడవ ఇంటిలో రాహు గోచారం ఉండటం మరియు మే ఒకటి వరకు గురువు గోచారం ఎనిమిదవ ఇంటిలో అనుకూలంగా ఉండకపోవటం వలన ఈ సమయంలో వ్యాపార పరంగా కొన్ని సమస్యలు ఏర్పడే అవకాశం ఉంటుంది. గురువు గోచారం మరియు రాహు గోచారం అనుకూలంగా ఉండదు కాబట్టి మే ఒకటి లోపు వ్యాపారంలో కొన్ని చిక్కులు ముఖ్యంగా భాగస్వాములతో కానీ లేదా న్యాయపరమైనవి కానీ ఏర్పడే అవకాశం ఉంటుంది. వీటి కారణంగా డబ్బు ఖర్చు అవ్వడం మరియు వ్యాపార పరంగా కూడా కొంత చెడు జరిగే అవకాశం ఉంటుంది. అయితే ఈ సమస్య మీరు తీసుకునే తొందరపాటు నిర్ణయం వల్ల కానీ లేదా ఇతరుల ప్రోత్బలంతో అత్యాశకు పోయి చేసే పనుల వల్ల కానీ ఏర్పడే అవకాశం ఉంటుంది. మీరు వీలైనంతవరకు నిజాయితీగా ఉండటం మరియు ఇతరుల ప్రలోభాలకు లొంగకుండా ఉండటం, మరియు స్వశక్తిపై నమ్మకంతో ఉండటం వలన ఈ సమయంలో సమస్యలు వచ్చినప్పటికీ వాటి నుంచి ఎటువంటి నష్టం లేకుండా బయటపడే అవకాశం ఉంటుంది.

మే ఒకటి నుంచి గురువు గోచారం తొమ్మిదవ ఇంటిలో అనుకూలంగా ఉంటుంది కాబట్టి ఈ సమయంలో మీ వ్యాపారం అభివృద్ధి చెందుతుంది. గతంలో ఏర్పడిన న్యాయపరమైన చిక్కులు కానీ లేదా వ్యాపార పరమైన చిక్కులు కానీ ఈ సమయంలో తొలగిపోయి మీ వ్యాపారం బాగా నడుస్తుంది. మీకు వచ్చిన చెడ్డపేరు గాని అపవాదు కానీ తొలగిపోతాయి. ముఖ్యంగా పెద్దవారి లేదా న్యాయ నిపుణుల సహకారంతో ఈ సమస్య నుంచి బయటపడతారు. గురు దృష్టి ఒకటవ ఇంటిపై, ఐదవ ఇంటిపై, మరియు మూడవ ఇంటిపై ఉంటుంది కాబట్టి ఈ సమయంలో మీరు తీసుకునే నిర్ణయాలు, చేసే పనులు, పెట్టే పెట్టబడులు మీ వ్యాపారంలో అభివృద్ధికి సహకరిస్తాయి. గతంలో సమస్యల కారణంగా విడిపోయిన వ్యాపార భాగస్వాములు తిరిగి రావటం కానీ, కొత్తగా వ్యాపార భాగస్వాములు రావడం కానీ జరుగుతుంది. దీని కారణంగా మీరు వ్యాపారాన్ని మరింత ముందుకు తీసుకువెళ్లడానికి అవకాశం దొరుకుతుంది.

ఈ సంవత్సరం అంతా శని గోచారం ఆరవ ఇంటిలో అనుకూలంగా ఉంటుంది కాబట్టి మీ దగ్గర పనిచేసే వారి కారణంగా మీ వ్యాపారంలో అభివృద్ధి సాధ్యమవుతుంది. మీ అభివృద్ధిలో మరియు మీ సమస్యల్లో వారు మీకు తోడుగా ఉండటం వలన మీరు మీ వ్యాపారాన్ని ఎటువంటి ఆటంకాలు లేకుండా ముందుకు తీసుకెళ్లగలుగుతారు. అయితే సంవత్సరం అంతా కేతువు గోచారం ఒకటవ ఇంటిలో ఉంటుంది కాబట్టి మీరు ఎంత ధైర్యంగా నిర్ణయాలు తీసుకోవాలనుకున్నప్పటికీ లేదా వ్యాపారాన్ని ముందుకు తీసుకు వెళ్లాలనుకున్నప్పటికీ ఏదో తెలియని భయం మిమ్మల్ని వెంటాడే అవకాశం ఉంటుంది. దాని కారణంగా నిర్ణయాలు తీసుకోవడంలో ఊగిసలాడుతుంటారు. కొన్నిసార్లు మీరు వ్యాపార పరమైన నిర్ణయాలు ఆలస్యంగా తీసుకోవడం వలన మంచి అవకాశాలను కూడా కోల్పోయే ప్రమాదం ఉంటుంది. ఇలాంటి సందర్భాల్లో మీరు మీ శ్రేయోభిలాషుల లేదా అనుభవజ్ఞుల సలహా తీసుకొని ముందడుగు వేయటం మంచిది.

2024 సంవత్సరంలో కన్యా రాశిలో జన్మించిన ఉద్యోగస్థులకు ఏ విధంగా ఉండబోతోంది.

కన్యా రాశిలో జన్మించిన ఉద్యోగస్థులకు ఈ సంవత్సరం ఎక్కువ భాగం అనుకూలంగా ఉంటుంది. మే 1 వరకు గురు గోచారం, సంవత్సరం అంతా రాహువు గోచారం అనుకూలంగా ఉండకపోవటం వలన సంవత్సరంలో మొదటి నాలుగు నెలలు ఉద్యోగంలో కొన్ని సమస్యలు ఉంటాయి. ముఖ్యంగా మీ సహోద్యోగులతో సరైన అవగాహన లేకపోవడం మరియు చీటికిమాటికి వారితో గొడవలు రావడం వలన ఈ సమయంలో మానసిక ప్రశాంతత కరువయ్యే అవకాశం ఉంటుంది. ముఖ్యంగా పనిచేసే చోట ఎవరి సహకారం లేకపోవడం మరియు చేస్తానని ఒప్పుకున్న పనులు సమయానికి చేయకపోవడం వలన పై అధికారులతో అవమానాలు ఎదురవటం జరగవచ్చు. ఈ సమయంలో వీలైనంతవరకు గొప్పలకు పోయి మీ శక్తికి, సామర్థ్యానికి మించిన పనులను చేయటానికి ప్రయత్నించటం మంచిది కాదు. దీని కారణంగా మీరు ఆ పనులు చేయకపోవడమే కాకుండా మీ సహోద్యోగుల దృష్టిలో చులకన అయ్యే అవకాశం ఉంటుంది. ఏడవ ఇంటిలో రాహు గోచారం కారణంగా మీకు ఇబ్బందులు కలిగించాలని, మరియు మీ పనులకు ఆటంకాలు కలిగించాలని ఎవరో ఒకరు ప్రయత్నిస్తూనే ఉంటారు. అయితే ఈ సమయంలో శనిగోచారం అనుకూలంగా ఉంటుంది కాబట్టి ఉద్యోగం పోవటం కానీ, లేదా ఉద్యోగ విషయంలో ఇతర సమస్యలు కానీ ఉండవు.

మే 1 నుంచి గురువు గోచారం 9వ ఇంటిలో అనుకూలంగా ఉండటం వలన వృత్తిలో ఉన్న సమస్యలు తొలగిపోతాయి. మీరు పదోన్నతితో వేరే ప్రదేశముకు మారటం వలన కానీ లేదా మీకు ఇబ్బంది పెడుతున్న వారు మీ నుంచి దూరంగా వెళ్లిపోవడం వల్ల కానీ వృత్తిలో గత కొద్ది కాలంగా ఉన్న సమస్యలు తగ్గుముఖం పట్టడం ప్రారంభమవుతుంది. మీ ఆలోచనలు కానీ, మీరు చేసే పనులు కానీ విజయాలను ఇచ్చేవిగా ఉండటం వలన మీ పై అధికారుల మెప్పు పొందడమే కాకుండా ఉద్యోగంలో అభివృద్ధిని సాధిస్తారు. ఆర్థికంగా కూడా ఈ సమయం అనుకూలిస్తుంది. విదేశీ యానం విషయంలో గత సంవత్సర కాలంగా ఏర్పడిన ఆటంకాలు కానీ, సమస్యలు కానీ తొలగిపోవడంతో మీరు విదేశాలకు వెళ్లడానికి మార్గం సుగమం అవుతుంది. ఒకవేళ చాలా కాలంగా విదేశాల్లో ఉండి తిరిగి సొంత ప్రాంతానికి రావాలనుకునే వారికి కూడా ఈ సమయం అనుకూలిస్తుంది. సంవత్సరం అంతా శని గోచారం 6వ ఇంటిలో అనుకూలంగా ఉండటం వలన మీరు నిజాయితీతో చేసే పనులు సత్ఫలితాలను ఇస్తాయి. గతంలో మిమ్మల్ని అపార్థం చేసుకున్న వారు కూడా తమ తప్పు తెలుసుకొని మీకు సాయం అందిస్తారు. ఉద్యోగంలో మార్పు కావాలనుకున్నవారు కానీ, కొత్తగా ఉద్యోగ ప్రయత్నం చేస్తున్నవారు కానీ ఈ సంవత్సరం ద్వితీయార్థంలో అనుకూల ఫలితాన్ని పొందుతారు. గురువు దృష్టి అయిదవ ఇంటిపై ఉండటం వలన మీ నైపుణ్యానికి, సృజనాత్మక తగిన గుర్తింపు లభిస్తుంది. మీరు చేసిన పనుల కారణంగా ప్రభుత్వ గుర్తింపు కానీ, ప్రజల మన్ననలు గాని పొందుతారు.

ఈ సంవత్సరం అంతా రాహు గోచారం ఏడవ ఇంటిలో ఉండటం, కేతు గోచారం ఒకటవ ఇంటిలో ఉండటం వలన అప్పుడప్పుడు వృత్తి పరంగా కానీ, వ్యక్తిగతంగా కానీ కొన్ని ఆటంకాలు ఏర్పడే అవకాశం ఉంటుంది. ఈ సమయంలో వచ్చిన ఆటంకాలకు నిరాశ చెందకుండా తిరిగి ప్రయత్నించడం వలన అనుకున్న ఫలితాన్ని పొందుతారు. అలాగే కొన్నిసార్లు భయం కారణంగా కానీ, అనుమానం కారణంగా కానీ మీకు సాధ్యమయ్యే పనులు కూడా చేయకుండా వదిలేసే అవకాశం ఉంటుంది. అటువంటి సందర్భాల్లో మీరు మీ రంగంలో నిపుణుల లేదా మీ శ్రేయోభిలాషుల సాయం తీసుకుని ముందుకు వెళ్ళటం మంచిది. ఈ సమయంలో కలిగే భయాలు కానీ, ఆందోళనలు కానీ మీకు వ్యక్తిగతంగా ఎలాంటి నష్టం చేయవనే విషయాన్ని గుర్తుంచుకోవడం మంచిది.

2024 సంవత్సరంలో కన్యా రాశిలో జన్మించిన వారి ఆర్థిక స్థితి ఏ విధంగా ఉండబోతోంది.

కన్యారాశిలో జన్మించిన వారికి ఈ సంవత్సరం ఆర్థికంగా మొదటి నాలుగు నెలలు సామాన్యంగా ఉన్నప్పటికీ మిగిలిన ఎనిమిది నెలలు అత్యంత అనుకూలంగా ఉండటం వలన గత సంవత్సర కాలంగా ఉన్న ఆర్థిక సమస్యలు తగ్గుముఖం పడతాయి. మే ఒకటి వరకు గురువు గోచారం ఎనిమిదవ ఇంటిలో ఉండటం మరియు ఎనిమిదవ ఇంటిపై మరియు 12వ ఇంటిపై శని దృష్టి ఉండటం వలన ఈ సమయంలో ఖర్చులు అధికంగా ఉంటాయి. గతంలో పొదుపు చేసిన డబ్బులు కూడా ఈ సమయంలో ఖర్చు పెట్టాల్సిన సందర్భాలు ఉంటాయి. కుటుంబ అవసరాల నిమిత్తం, కుటుంబ సభ్యుల ఆరోగ్య సంబంధ కారణాల వలన, మరియు విలాసాల కారణంగా ఈ డబ్బు ఖర్చయ్యే అవకాశం ఉంటుంది.

మే ఒకటి నుంచి గురువు గోచారం అనుకూలంగా ఉండటం వలన మీ ఆర్థిక స్థితి మెరుగుపడడం ప్రారంభమవుతుంది. ఖర్చులు తగ్గటం మరియు ఆదాయం పెరగడంతో ఆర్థికంగా అభివృద్ధి సాధ్యమవుతుంది. అంతేకాకుండా వృత్తి ద్వారా కానీ వ్యాపారం ద్వారా కానీ ఆదాయం పెరగడంతో తిరిగి పొదుపు చేయడం సాధ్యమవుతుంది. ఈ సమయంలో స్థిరాస్తుల ద్వారా కూడా ఆదాయం వచ్చే అవకాశం ఉంటుంది. స్థిరాస్తి అమ్మకాల కారణంగా లేదా వాటిని అద్దెకు ఇవ్వటం కారణంగా కూడా ఆదాయం పెరిగే అవకాశం ఉంటుంది. అంతేకాకుండా ఈ సమయంలో ఇల్లు కానీ వాహనం కానీ కొనుగోలు చేస్తారు.

సంవత్సరం అంతా శని గోచారం ఆరవ ఇంటిలో ఉండటం వలన మొదటి నాలుగు నెలలు గురు గోచారం అనుకూలంగా లేని సమయంలో శని కారణంగా కూడా ఖర్చులు పెరిగినప్పటికీ ఆ తర్వాత గురు గోచారం అనుకూలంగా మారడంతో శని ఇచ్చే శుభ ఫలితాలు ప్రభావం కూడా కనిపిస్తుంది. ఆరవ ఇంటిలో శని గోచారం కారణంగా ఉద్యోగంలో రావలసిన బకాయిలు తిరిగి రావటం కానీ, లేదా కోర్టు కేసులు, ఆస్తి తగాదాల్లో విజయం సాధించడం ద్వారా కానీ ఈ సమయంలో డబ్బు వచ్చే అవకాశం ఉంటుంది.

ఈ సంవత్సరం ఆధ్యాత్మిక కార్యక్రమాలకు, మరియు ఆధ్యాత్మిక ప్రయాణ విషయంలో కూడా మీరు డబ్బు ఖర్చు చేసే అవకాశం ఉంటుంది. ధనకారకుడైన గురువు భాగ్యస్థానంలో సంచరించడం వలన ఆర్థిక విషయాల్లో అదృష్టం కలిసి వస్తుంది. కాకపోతే సంవత్సరం అంతా రాహు గోచారం ఏడవ ఇంట్లో ఉండటం శని దృష్టి, ఎనిమిది మరియు 12 ఇండ్లపై ఉండటం వలన ఈ సమయంలో శ్రమ కారణంగా వచ్చే డబ్బుకి ప్రాధాన్యత ఇవ్వడం మంచిది. కేవలం అదృష్టాన్ని మాత్రమే నమ్ముకొని శ్రమను వదిలేసినట్లయితే దాని ద్వారా వచ్చే డబ్బు మీకు ఉపయోగపడటం జరగదు.

2024 సంవత్సరంలో కన్యా రాశిలో జన్మించిన వారి కుటుంబ స్థితి ఏ విధంగా ఉండబోతోంది.

కన్యారాశిలో జన్మించిన వారికి కుటుంబ పరంగా ఈ సంవత్సరం మిశ్రమ ఫలితాలు ఉంటాయి. మొదటి నాలుగు నెలలు రాహు గోచారం తో పాటుగా గురు గోచారం అనుకూలంగా ఉండదు కాబట్టి ఈ సమయంలో కుటుంబ పరంగా కొన్ని సమస్యలు ఎదుర్కొనే అవకాశం ఉంటుంది. ముఖ్యంగా ఇంట్లో ఆరోగ్య సమస్యల కారణంగా కానీ, భార్యాభర్తల మధ్య మనస్పర్ధల వల్ల కానీ, లేదా కుటుంబ సభ్యుల మధ్యలో సరైన అవగాహన లేకపోవడం వల్ల గాని ఇంట్లో ప్రశాంతత కరువవుతుంది. అంతే కాకుండా, మీ కుటుంబ విషయాల్లో ఇతరుల జోక్యం ఎక్కువ అవ్వటం, వారి ప్రలోభాలకు కానీ లేదా చెప్పుడు మాటలు కానీ మీ కుటుంబ సభ్యులు లొంగిపోవడం వలన ఇంటిలో అనవసరమైన సమస్యలు ఎక్కువ అవుతాయి. ముఖ్యంగా ఈ సమయంలో పిల్లలు ఆరోగ్యం కూడా బాగుండకపోవటం లేదా, జీవిత భాగస్వామి ఆరోగ్యం బాగుండకపోవటం వలన మీరు మానసికంగా మరియు శారీరకంగా విశ్రాంతి లేని జీవితాన్ని గడిపే అవకాశం ఉంటుంది. అయితే ఈ సమయంలో శని గోచారం అనుకూలంగా ఉంటుంది కాబట్టి సమస్యలు వచ్చినప్పటికీ మీలో ధైర్యం కానీ, ఉత్సాహం కానీ తగ్గకుండా సమస్యలను ఎదుర్కొంటారు.

ఏడవ ఇంటిలో రాహువు గోచారం భార్యాభర్తల మధ్యన అవగాహన లోపించేలా చేస్తుంది. ఒకరు చెప్పింది ఒకరు అర్థం చేసుకోకపోవడం, అలాగే ఒకరి పైన ఒకరు పై చేయి సాధించాలనే ప్రయత్నం చేయటం వలన మిగతా కుటుంబ సభ్యులు ఇబ్బంది పడే అవకాశం ఉంటుంది. ఒకటవ ఇంటిలో కేతు గోచారం కారణంగా మీరు అప్పుడప్పుడు ఒంటరిని అయ్యాను అనే బాధకు లోనయ్యే అవకాశం ఉంటుంది. మీరు ఎంత ప్రయత్నం చేసినప్పటికీ మిమ్మల్ని ఎవరూ అర్థం చేసుకోవడం లేదని, మీ కుటుంబ సభ్యులందరూ మిమ్మల్ని నిర్లక్ష్యం చేస్తున్నారనే ఆలోచనలు మీలో ఎక్కువ అవుతాయి. నిజానికి అటువంటి సమస్య ఏమీ లేనప్పటికీ మీ అనుమానాలు, భయాలు పెరగటం వల్ల మీరు నిర్లక్ష్యానికి గురవుతున్నారనే ఆలోచన మీలో ఎక్కువవుతుంది. ఇలాంటి సందర్భాల్లో మీరు దైవ దర్శనం చేసుకోవడం కానీ లేదా ఆధ్యాత్మిక క్షేత్ర సందర్శనం కొరకు ప్రయాణాలు కానీ చేయడం వలన మీలో ఉన్న మానసిక భయాలు తగ్గుతాయి.

మే ఒకటి నుంచి గురువు గోచారం 9వ ఇంట్లో ఉండటం వలన కుటుంబ పరంగా మరియు వ్యక్తిగతంగా మీకున్న సమస్యలు తగ్గటం ప్రారంభమవుతుంది. గురువు దృష్టి ఒకటవ ఇంటిపై, మూడవ ఇంటిపై, మరియు ఐదవ ఇంటిపై ఉండటం వలన మీ పిల్లల ఆరోగ్యం మెరుగుపడటం, మానసికంగా మీలో ఉన్న అనుమానాలు, అలజడులు తొలగిపోవడం వలన మీరు మానసికంగా బలంగా అవుతారు. తద్వారా కుటుంబ సభ్యులతో ఉన్న మనస్పర్ధలు తొలగిపోతాయి. గురువు దృష్టి మూడవ ఇంటిపై ఉండటం వలన మీ తోబుట్టువుల సహాయ సహకారాలు మీకు అందటమే కాకుండా, ఈ సమయంలో వారు కూడా అభివృద్ధి చెందుతారు. మీ పిల్లలు వారి రంగాల్లో విజయాలు సాధిస్తారు.

ఒకవేళ మీరు అవివాహితులు అయ్యుండి వివాహం కొరకు ఎదురుచూస్తున్నట్లయితే, ఈ సంవత్సరం ద్వితీయార్థంలో మీకు వివాహమయ్యే యోగం ఉంటుంది. అలాగే మీరు వివాహం అయ్యుండి సంతానం కొరకు ఎదురు చూస్తున్నట్లయితే ఈ సంవత్సరంలో సంతానం అయ్యే బలం ఉంటుంది.

ఈ సంవత్సరం అంతా కేతు గోచారం ఒకటో ఇంటిలో ఉంటుంది. కేతువు అనవసర అనుమానాలను, భయాలను ఇచ్చే గ్రహం కాబట్టి మీలో అలాంటి భయాలు అనుమానాలు కలిగినప్పుడు వాటిని ఎదుర్కొనే ప్రయత్నం చేయండి తప్ప వాటికి లొంగిపోయి మీతో పాటు మీ కుటుంబ సభ్యులను సమస్యల పాలు చేయకండి. ఈ సమయంలో వచ్చే భయాలు ఏవి నిజజీవితంలో జరగవు కాబట్టి వాటి గురించి ఆందోళన పడాల్సిన అవసరం లేదు.

2024 సంవత్సరంలో కన్యా రాశిలో జన్మించిన వారి ఆరోగ్య స్థితి ఏ విధంగా ఉండబోతోంది.

కన్యా రాశిలో జన్మించిన వారికి ఆరోగ్యపరంగా ఈ సంవత్సరం మొదటి నాలుగు నెలలు కొంత ఇబ్బందికరంగా ఉన్నప్పటికీ మిగిలిన సంవత్సరం అంతా అనుకూలంగా ఉంటుంది. మే ఒకటి వరకు గురు గోచారం ఎనిమిదవ ఇంటిలో ఉండటం వలన ఈ సమయంలో ఆరోగ్య విషయంలో కొన్ని జాగ్రత్తలు అవసరం. కాలేయము, వెన్నెముక, మరియు ఎముకలకు సంబంధించిన ఆరోగ్య సమస్యలు ఈ సమయంలో వచ్చే అవకాశం ఉంటుంది. అయితే శారీరక ఆరోగ్యం కంటే కూడా మానసికంగా ఎక్కువగా ఆందోళనకు గురవడం, ప్రతి చిన్న సమస్యను పెద్దదిగా ఊహించుకొని భయపడటం చేసే అవకాశం ఉంటుంది. చిన్న ఆరోగ్య సమస్య వచ్చినా ఎక్కువ ఆందోళన చెంది ప్రతిసారి ఆసుపత్రికి వెళ్లడం లేదా వైద్య పరీక్షలు చేయించుకోవడం చేస్తారు. ఈ సమయంలో రోగనిరోధక శక్తి కూడా కొద్దిగా తగ్గుతుంది కాబట్టి అంటు వ్యాధుల విషయంలో అలాగే ఊపిరితిత్తులు మరియు కడుపుకు సంబంధించిన ఆరోగ్య సమస్యల విషయములో జాగ్రత్తలు తీసుకోవడం మంచిది.

మే ఒకటి నుంచి గురువు గోచారం అనుకూలంగా ఉంటుంది కాబట్టి మీ ఆరోగ్యం బాగుపడుతుంది. గతంలో ఉన్న ఆరోగ్య సమస్యలు తగ్గటమే కాకుండా మానసికంగా కూడా మీరు దృఢంగా మారతారు. ఒకటవ ఇంటిపై, మరియు ఐదవ ఇంటిపై గురువు గోచారం ఉండటం వలన చాలా కాలంగా మిమ్మల్ని ఇబ్బంది పెడుతున్న ఆరోగ్య సమస్యలు కూడా ఈ సమయంలో తగ్గుముఖం పడతాయి. ఆరో ఇంటిలో శని గోచారం కూడా మీ ఆరోగ్యం మెరుగు పడటానికి సహకరిస్తుంది. సరైన వైద్యం కానీ, మందులు కానీ అందటం వలన మీరు మీ ఆరోగ్య సమస్యల నుంచి బయటపడగలగుతారు.

ఈ సంవత్సరం అంతా రాహువు గోచారం ఏడవ ఇంటిలో మరియు కేతువు గోచారం ఒకటవ ఇంటిలో ఉండటం వలన మీరు శారీరక ఆరోగ్యంతో పాటుగా మానసిక ఆరోగ్య విషయంలో కూడా జాగ్రత్తలు తీసుకోవడం మంచిది. ముఖ్యంగా ఒకటవ ఇంటిలో కేతు మనలోని భయాలను, అనుమానాలను పెంచుతాడు. దానికి కారణంగా మనం ఎవరికి ఏ ఆరోగ్య సమస్య వచ్చినా అది మనకు కూడా వస్తుందని భయానికి గురవుతాము. నిజానికి ఈ సమయంలో ముఖ్యంగా మే 1 నుంచి గురు గోచారం అనుకూలంగా ఉంటుంది కాబట్టి అంతగా ఇబ్బంది పెట్టే ఆరోగ్య సమస్యలు ఏవి మీకు రావు. కాబట్టి అతిగా భయాందోళనలకు గురవ్వాల్సిన అవసరం లేదు. అయితే ఆరోగ్యం కాపాడుకోవడానికి అవసరమైన జాగ్రత్తలు తీసుకోవడం మంచిదే కానీ, అవి మీతో పాటుగా ఎదుటి వారికి ఇబ్బంది కలిగించే లాగా ఉండకూడదు.

2024 సంవత్సరంలో కన్యా రాశిలో జన్మించిన వారి చదువు ఏ విధంగా ఉండబోతోంది.

కన్యా రాశిలో జన్మించిన విద్యార్థులకు ఈ సంవత్సరం అనుకూలంగా ఉంటుంది. సంవత్సరం ఆరంభంలో చదువు విషయంలో కొన్ని ఆటంకాలు ఎదురైనప్పటికీ వాటిని విజయవంతంగా ఎదుర్కోగలుగుతారు. ఈ సంవత్సరం మే 1 వరకు గురువు గోచారం ఎనిమిదవ ఇంటిలో ఉండటం వలన చదువు విషయంలో కొంత నిర్లక్ష్య ధోరణి అలబడుతుంది. అంతేకాకుండా పరీక్షల్లో ఉత్తీర్ణులు అవ్వటానికి సులువైన మార్గాలను వెతికే ప్రయత్నం చేస్తారు. దాని కారణంగా సమయం వ్యర్థం అవుతుంది తప్ప సరైన ఫలితం లభించదు. అంతేకాకుండా నిర్లక్ష్య ధోరణి కారణంగా గురువులు కానీ పెద్దవారు కానీ చెప్పిన మాటలను, సలహాలను పట్టించుకోరు. దాని కారణంగా వారికి వచ్చే అవకాశాలు పోగొట్టుకుంటారు. అయితే సంవత్సరమంతా శనిగోచారం ఆరవ ఇంటిలో అనుకూలంగా ఉంటుంది కాబట్టి సమయానికి తమ తప్పు తెలుసుకొని శ్రమించి చదవటం వలన చదువులో మరియు పరీక్షల్లో అనుకూల ఫలితాన్ని పొందుతారు.

మే ఒకటి నుంచి గురువు గోచారం అనుకూలంగా ఉండటంతో చదువు విషయంలో గతంలో ఉన్న బద్ధకం కానీ, నిర్లక్ష్య ధోరణి కానీ తగ్గుతుంది. చదువుపై ఆసక్తి పెరగడమే కాకుండా కొత్త విషయాలు నేర్చుకోవాలని తపన ఎక్కువ అవుతుంది. దాని కొరకు గురువుల మరియు పెద్దల సహకారం తీసుకుంటారు. ఈ సమయంలో వారు పడే శ్రమ, వారి పట్టుదల పరీక్షల్లో మంచి మార్కులతో ఉత్తీర్ణులు అవ్వటానికి మరియు తమ జ్ఞానాన్ని అభివృద్ధి చేసుకోవడానికి ఉపయోగపడుతుంది. గురువు తొమ్మిదవ ఇంటిలో సంచరించే సమయంలో అత్యున్నత స్థాయిలో విద్యావకాశాలు ఇస్తాడు. కాబట్టి ఈ సమయంలో విద్యార్థులు తాము అనుకున్న లక్ష్యాన్ని చేరుకోవడానికి తగినంత కృషి చేస్తే గురు అనుగ్రహం కారణంగా వారు దేశంలో కానీ, విదేశాల్లో కానీ అత్యున్నత స్థాయి విద్యాసంస్థల్లో ప్రవేశం పొందుతారు. దీని కారణంగా వారి భవిష్యత్తు మరింత మెరుగు పడుతుంది.

ఈ సంవత్సరం అంతా కేతువు గోచారం ఒకటవ ఇంటిలో ఉండటం వలన విద్యార్థులకు చదువు విషయంలో ఏకాగ్రత తగ్గే అవకాశం ఉంటుంది. ముఖ్యంగా మే 1 వరకు గురు గోచారం కూడా అనుకూలంగా ఉండదు కాబట్టి ఈ సమయంలో వీరిపై కేతు ప్రభావం ఎక్కువగా ఉంటుంది. దీని కారణంగా ఏకాగ్రత తగ్గడమే కాకుండా లేని ఒత్తిడి ఉన్నదిగా భావించి భయానికి లోనవుతారు. దాని కారణంగా చదువు వాయిదా వేయడం, లేదా చదవడం తప్పించుకోవడానికి వివిధ రకాల కారణాలు వెతుక్కోవడం చేస్తారు. ఈ సమయంలో గురువుల మరియు పెద్దవారి సహకారం వలన వారు తమ తప్పు తెలుసుకొని సరేదిద్దుకోగలుగుతారు. మిగిలిన సంవత్సరం అంతా గురు దృష్టి కేతువుపై ఉంటుంది కాబట్టి వారికి ఈ రకమైన మానసిక స్థితి ఉండదు.

ఉద్యోగం కొరకు పోటీ పరీక్షలు రాసేవారికి ఈ సంవత్సరం అనుకూలంగా ఉంటుంది. మే వరకు గురువు గోచారం బాలేనప్పటికీ ఉద్యోగ కారకుడైన శని గోచారం అనుకూలంగా ఉండటం, మే ఒకటి నుంచి గురువు గోచారం కూడా బాగుండడంతో వారి ప్రయత్నాలు ఫలించి వారు అనుకున్న ఉద్యోగాన్ని పొందుతారు. అయితే ఈ సంవత్సరం రాహు కేతు గోచారం అనుకూలంగా ఉండదు కాబట్టి వారు ఎన్ని అడ్డంకులు ఎదురైనప్పటికీ పట్టు వదలకుండా తామనుకున్న లక్ష్యాన్ని చేరడానికి ఎక్కువగా కృషి చేయాల్సి ఉంటుంది.

2024 సంవత్సరంలో కన్యా రాశిలో జన్మించిన వారు చేయాల్సిన పరిహారాలు

కన్యారాశిలో జన్మించిన వారికి ఈ సంవత్సరం మే 1 వరకు గురువు గోచారం, సంవత్సరం అంతా రాహు కేతువుల గోచారం అనుకూలంగా ఉండదు కాబట్టి ఈ గ్రహాలకు పరిహార క్రియలు ఆచరించడం వలన అవి ఇచ్చే చెడు ఫలితాలు తగ్గుతాయి. మే ఒకటి వరకు 8 ఇంటిలో గురువు ఆర్థిక సమస్యలు మరియు ఆరోగ్య సమస్యలు ఇచ్చే అవకాశం ఉంటుంది కాబట్టి గురువు ఇచ్చే చెడు ప్రభావం తగ్గటానికి ప్రతిరోజు లేదా ప్రతి గురువారం రోజు గురు స్తోత్ర పారాయణం చేయడం కానీ, గురు మంత్ర జపం చేయటం కానీ మంచిది. దీని వలన గురువు ఇచ్చే చెడు ప్రభావం తగ్గుతుంది. వాటితోపాటు గురువులను, పెద్దలను గౌరవించడం, మరియు విద్యార్థులకు వారి చదువు ముందు సాగేలా వారికి తోచిన రూపంలో సాయం చేయడం మంచిది.

ఈ సంవత్సరం అంతా రాహు గోచారం 7వ ఇంటిలో ఉంటుంది కాబట్టి రాహు ఇచ్చే చెడు ఫలితాలు తగ్గటానికి ప్రతిరోజు లేదా ప్రతి శనివారం రాహు స్తోత్ర పారాయణం చేయటం లేదా రాహు మంత్ర జపం చేయటం మంచిది. దీనితోపాటు దుర్గా స్తోత్ర పారాయణం చేయటం లేదా దుర్గా సప్తశతి పారాయణం చేయటం వలన కూడా రాహువు ఇచ్చే చెడు ప్రభావం తగ్గుతుంది.

ఈ సంవత్సరం అంతా కేతు గోచారం ఒకటవ ఇంటిలో ఉంటుంది కాబట్టి కేతు ఇచ్చే చెడు ఫలితాలు తగ్గటానికి ప్రతిరోజు లేదా ప్రతి మంగళవారం కేతు స్తోత్ర పారాయణం చేయడం లేదా కేతు మంత్ర జపం చేయటం మంచిది. వీటితోపాటు గణపతి స్తోత్రం పారాయణం చేయటం కానీ గణపతి అథర్వ శీర్ష పారాయణం చేయడం కానీ లేదా గణపతికి అభిషేకం చేయటం కానీ మంచిది.